ANG pangu sa Aquino-Roxas volunteers group sa Sugbo nalipay kaayo sa labing uwahing resulta sa survey nga nagpakita kang Senador Benigno “Noynoy” Aquino III nga nag-una og maayo sa iyang labing duol nga karibal nga si Nacionalista Party standard bearer Manny Villar.

Si Atty. Augusto W. Go, chairman emeritus sa Noy-Mar Volunteers, Cebu, niingon nga mas nalipay siya nga si Aquino mas kusog sa Kabisay-an, diin matod sa Social Weather Station survey, ang Liberal Party candidate dunay 46%.

Click here for Election 2010 updates

Si Go, kinsang pamilya tag-iya sa University of Cebu, nidumili hinuon pagdeklarar sa Sugbo nga Noynoy country, kay “that would be presumptuous”.

“Nobody owns the Cebuanos,” siya niingon. “They are mature and intelligent enough to make an informed judgment on who they think could best lead the country in these trying times.”

“Apparently, that person is Aquino, at least as of the time of the survey,” siya niingon. “Our challenge is how to maintain that level of trust of confidence.”

Sa sayo pa, si Kong. Eduardo Gullas nideklarar nga ang Sugbo mamahimo na unyang Villar country kon mobali na ang mga kaalyado sa laing partido ngadto kanila.