MANAMILIT og dayon ang Blackwater apan dili sa Philippine Basketball Association (PBA) kon dili sa ilahang angga nga Elite.
Sa sunod nga season, ang Blackwater pagatawgon na og Bossing.
Alang sa team management, mas daling mahangop sa masa ang Bossing kumpara sa Elite hinungdan nga nakadesisyon silang mag-usab og angga.
“Blackwater Bossing na next year. We want to make it more masa kaya ginawa naming Bossing,” matod sa tag-iya sa team nga si Dioceldo Sy Jr. nga napatik sa PBA.PH.
“Yung Elite kasi baka di maintindihan ng mga Pinoy. Ang Bossing alam nila kung ano. So Bossing para sa atin elite na yun, kaya yun na lang.”
Sa sayo pa, si Sy mibutyag nga nagplano na siyang ibaligya ang iyang prankisa sa PBA human gihampak og kontrobersya ang Blackwater tungod sa pagsupak niini sa quarantine rules nga gipatuman ning panahon sa pandemya.
Hinuon, wala kini nadayon. (ESL)