DILI lang ang pisikal nga aspeto lakip sab ang mentalidad ang sagubangon sa mga mataptan sa coronavirus disease 2019 (Covid-19).
Mao kini ang gibutyag ni Ateneo Lady Eagles star Trina Guytingco basi sa dihang nahimo siyang positibo sa Covid-19.
Matod sa 5-foot-7 guard, kinsa anaa karon sa California, USA, nga naglisod sab siya kabahin sa panghunahuna dihang nagpaalim siya sa makalilisang nga sakit.
“It was just very nerve-racking and I didn’t know what was about to happen because when you have contact with the virus, it just messes with your head,” matod ni Guytingco nga napatik sa ESPN.com.
“You keep on thinking about tragic stories of Covid-19, like what if you deteriorate all of a sudden? It was a very rough week for me,” dugang ni Guytingco.
Matod niya Guytingco nga sukad nahimo siyang positibo sa Covid-19, daghan siya’g gipanghunahuna kabahin sa kon unsa’y mahitabo kaniya.
Human sa 14 ka mga adlaw nga quarantine, maayo na ang pamati ni Guytingco ug negatibo na sab ang resuta sa rapid test nga iyang gisubay ning bag-uhay lang.
Asoy ni Guytingco nga naghuwat na lang siya sa resulta sa swab test. (RSC)