SI PRESIDENTE Rodrigo Duterte niaprobar sa giduso nga P4.506-trillion national budget alang sa 2021, matod sa Department of Budget and Management (DBM) sa usa ka pamahayag sa Dominggo, Agusto 2, 2020.
Ang Presidente nihatag sa approval atol sa usa ka special meeting tali sa Development Budget Coordination Committee (DBCC) nga gipahigayon sa Hulyo 30.
Ang proposed budget mas taas kay sa 2020 budget og 9.9 percent ug tumbas sa 21.8 percent sa gross domestic product (GDP).
Ang DMB niingon nga ang gisugyot nga FY 2021 budget gitumong aron masustener ang paninguha sa kagamhanan alang sa epektibong pagtubag sa coronavirus diseases 2019 (Covid-19) pandemic pinaagi sa pinaagi sa pagtutok sa kagamhanan nga mapalambo ang healthcare systems, pagseguro nga dunay igong pagkaon, pagpalambo sa investments sa public ug digital infrastructure, ug pagtabang sa mga komunidad nga makasugakod ug molampos ning malisod nga panahon.
Ang tema “Reset, Rebound and Recover: Investing for resiliency and sustainability” nahasubay sa tumong sa administrasyon sa pagluwas og mga kinabui samtang gipalig-on ang nagkadaiyang mga sektor sa ekonomiya ug mas daling makatubag sa mga kausaban.
Matag peso sa proposed P4.506-trillion budget niagi sa daghang mga hearing ug konsultasyon sa mga ahensya, ug level sa mga paghashas ug approval.
Ning pag-aprobar, ang DBM nag-finalize sa FY 2021 National Expenditure Program (NEP) ug ubang budget documents alang pagduso sa Kongreso sa di pa ang 30-ka adlaw nga Constitutional deadline. (SunStar Philippines gikan sa PR)