GIDUNGGAB sa 14-anyos nga lalake ang iyang silingan nga 16-anyos nga lalake dihang iyang nakit-ang gisungog ang iyang manghod sa miaging adlaw sa Brgy. Lamintak Norte, Medellin, Sugbo.
Nakaangkon og usa ka samad dinunggaban sa iyang dughan ang biktima.
Sa pasiunang imbestigasyon sa kapulisan sa lungsod nasayran nga nakit-an sa suspek nga gisungog ang iyang manghod.
Nikuha og hait nga hinagiban ang biktima, giduol ug sa way daghang estorya gidunggab ang biktima.
Ang biktimang dunay samad daling gidala sa Verallo District Hospital samtang ang suspek wa pa madakpi sa kapulisan.
Wa pay kaseguroan kon mapriso ba siya kon masikop kay ubos sa Juvenile Justice Law, ang 14-anyos di mahimong mapasakaan og kaso.
Samtang, nadunggaban ang usa ka lalake nga nagsayawsayaw sa diskohan sa Brgy. Tapilon, Daanbantayan pasado alas 11 sa miaging gabii.
Nakaangkon og dinunggaban sa luyo ang biktima nga mao si Mark Leo Caballa, 19, taga Brgy. Tapilon, Daanbantayan.
Sa pasiunang imbestigasyon sa kapulisan, nga samtang nagsayawsayaw ang biktima sa diskohan kauban ang laing grupo sa mga batan-on,kalit nga gidunggab sa way igong rason sa suspek nga si Reynold Punay,19, taga Sitio Magsaubay, Brgy. Tapilon, Daanbantayan, Cebu.
Daling gidala ang biktima sa Daanbantayan district hospital samtang nakaikyas ang suspek paghuman sa insidente. (Rhodel C. Macalam CNU Masscom Intern)