SUPERBALITA CEBU

Martin: Mga komposisyon nga salikwaot?

Tagming

KAHIBAWO ba mo kon unsang mga OPM song sa una ang gisaway tungod sa giingong mga salikwaot niining mga linya?

Usa niini ang kantang “Changes” ni Carla Martinez nga nisikat niadtong 1983 ug nahimo pang themesong sa pelikula.

Kahinumdom pa tingali mo sa iyang chorus nga, “So I’m changing my life gonna live for myself. And I’ll give love and life one more chance...”

Sigon sa mga kritiko nga ang dapat untang mga titik niini: “gonna live for the Lord,” kay dili man kuno ta mabuhi sa ato lang kaugalingong kabubut-on.

Nakontrobersiyal sad ang kantang “Lupa” ni Rico J. Puno niadtong 70s tungod sa linya niini nga, “kung ano ang iyong inutang ay siya ring kabayaran...”

Sa ato pa kon kinabuhi ang giutang kinabuhi sad ang ibayad? Apan mao ni nidaug nga 3rd prize sa 2nd Metro Manila Popular Music Festival niadtong 1979.

Nakahisgot ko ani karon tungod sa negatibong reaksyon sa usa ka DJ sa bag-ong Cebuano song nga nag-trending.

Nikomento ang DJ nga ang bugtong kaluwasan ug ang bugtong makagagahom ra gyud sa tanan ang Ginoo ug dili ang katawhan sukwahi sa giingon sa linya sa maong awit.

Dunay punto ang maong DJ apan nakasabot sad ko sa habig sa kompositor nga ang gusto ra niyang ipasabot ang nahitabo karong pandemya.

Dinhi nisud ang gitawag nga poetic license or freedom of imagination where the poet or composer is granted to express his thoughts or feelings.

Sama pananglitan sa kantang “Narda” sa Kamikazee nga kahibawo ta nga inspired sa “Darna” apan kon imong paminawon lain diay og kahulogan.

“Ang swerte nga naman ni Ding/ Lagi ka niyang kapiling / Kung ako sa kanya/ Niligawan na kita...” Oops.. nganong iya mang pangulitawhan nga kahibawo man ta nga si Darna ug si Ding managsuon?

Bisan gani ang atong national anthem wa kaipsot sa mga kritiko kay gusto sad nilang pailisan ang linyang “ang mamatay ng dahil sa `yo” kay traumatic kuno paminawon sa mga bata.

Kinsa gani gaingon nga, “never judge a work of art by its defects?”

Sa kadaghang problema karon sa atong nasud dili na lang nato labdon pa ang atong mga hunahuna. Ang importante nga maghiusa ug magtinabangay. Kinsa pa man diay? Ah tua ra!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph