SUPERBALITA CEBU

Espinoza: Magbaton ta og disiplina, Bay!

Nagpakabana

DISIPLINA. Karon nga nabalik na ang dakbayan sa Sugbo sa general community quarantine (GCQ), angay na ba kamong’ mga badlongon magmaya? Dili. Ma-ECQ, GCQ o MGCQ (modified general community quarantine) man ta, naa pa gihapon ang Covid-19. Kinahanglan mosubay gihapon ta sa health protocol nga gimando sa Department of Health (DOH) nga gipatuman sa IATF.

Gipaubos sa GCQ ang dakbayan sa Sugbo aron moabli og balik ang mga “non-essential” nga negsoyo ug makabalik usab sa trabaho ang mga empleyado ug trabahante. Dili kay aron ta magsuroy-suroy bisan asa o di ba moadto sa mga mall aron magpabugnaw. Ang listahan niadtong Hulyo 28, 2020, dunay 8,813 nga kompirmado sa Covid-19 dinhi sa dakbayan sa Sugbo. Ang nakaayo kay dunay 5,075 nga nakalingkawas sa sakit.

Ang atong gikinahanglan karon mao ang disiplina ug respeto sa atong kaugalingon aron makatabang ta og pugong nga di mokuyanap ang coronavirus. Disiplina nga atong tumanon ang mga lagda nga gipatuman sa DOH ug sa IATF nga di sa magtapok (social distancing), magsul-ob sa face mask kon naa sa publiko ug hugas sa kamot o pirmi nga maglimpyo ug ingon man respeto sa atong isigkatawo nga di ta makatakod o di ba kita ang matakdan.

Dunay punto si Malacañang Spokesman Harry Roque dihang miingon siya sa miagi nga naa nato ang paglikay ug pagpugong nga di na modaghan pa ang matakdan sa Covid-19. Wala masabti sa kadaghanan ang iyang maayo nga punto ug gisaway pa siya og maayo sa mga kritiko sa administrasyon.

Dili pagdayeg ni Roque apan husto ang iyang punto. Abi ninyo kon ang kadaghanan kanato nagbaton pa og disiplina ug respeto sa gipatuman sa kagamhanan samtang gikwarentinas ta di na unta kinahanglan nga ang mga pulis ug sundawo pa ang mopatuman sa mga lagda o health protocol. Karon naproblema na ang atong mga doktor ug health workers ingon man ang mga hospital tungod sa kadaghan sa mga naospital tungod sa Covid-19.

Sa kadaghan na sa naospital ug namatay sa coronavirus, naay gihapon pipila ka lugas nga morag wa mahadlok ani nga sakit ug nagpabadlong pa gyud sama sa mga sugarol nga magtigbakay, hantak, ug uban pang klase nga ilegal nga sugal nga nakasupak sa lagda sa health protocol kay nagpundok ug ang kadaghanan way tabon sa baba ug ilong.

Ang Philippine Medical Association, pundok sa mga doktor sa Manila mihangyo ni Presidente Duterte nga ibalik sa ECQ ang Mega Manila tungod sa kadaghan sa naospital sa virus ug daghan na usab ang mga doctor ug health worker nga nataptan sa Covid-1.

Sa mga abay nga badlungon! Atong tamdan ang panghitabo karon sa Manila kay di ni kaayo layo sa atong kahimtang kon di ta gusto nga ibalik sa ECQ ang dakbayan sa Sugbo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph