SUPERBALITA CEBU

Pass gamiton hangtod naa pay di motuman

KANUS-AN wagtangon ni Mayor Edgardo Labella ang paggamit sa QR coded quarantine passes (QP) sa Dakbayan sa Sugbo ning panahon sa general community quarantine (GCQ)?

Ang mayor nagkanayon nga hangtod di mosunod sa mga minimum health standard ang mga Sugbuanon, magpabilin ang paggamit sa QP bisan kon ilawom sa probisyon sa Inter-Agency Task Force (IATF), ang mga lugar nga gi-GCQ di na mogamit og QP ang publiko.

Si Labella nibutyag nga adunay gahom ang local government unit (LGU) pagpatuman sa mga istrikto nga lagda aron makontrolar ug mapugngan ang pagkatap sa coronavirus disease (Covid-19).

“Atong obserbahan ang demeanor, attitude, body language sa atong mga kaigsuonan. Kon magpakita gani nga disiplinado, magpakita gani nga ni comply sa mga minimum health protocol, tingali atong i-relax og dutay. Pero sa pagkakaro,n kay gitagaan man ang LGU with the prerogative, ato nang buhaton kay kinahanglan gyud ipatunhay nato ang minimum health protocol kay simbako lang, di gyud ta (motugot) mabalik ngadto sa ECQ,” padayag ni Labella.

Ang mayor nipasabot nga ang mga gipangbuhat sa Cebu City Government di paglisodlisod sa katawhan, kon di ang pagpatuman og mga pamaagi sa tinguha nga mapanalipdan ang komunidad.

“This is a challenge for all of us. Atong batonan ang self-discipline, more circumspect , more careful, more alert kay sa magpakita nga complacent ta kay na GCQ. And we will take this as a challenge to all of us here in the City of Cebu,” butyag sa mayor.

Si Labella niingon nga bisan unsa nga quarantine level, naa gihapon ang virus.

“We should always remember that even GCQ, it’s still a quarantine. Buot pasabot stay home. And you are only allowed to go out of the residence for the purpose of buying essentials, food medicine etc. Hinaot unta masabtan kini ninyo kay ang tuyo niini dili ang paglisodlisod kon dili ato gyud mapatunhay ang minimum health protocol,” dugang ni Labella.

Sugod sa Agusto 9, si Labella nipahibawo nga makagawas na kadtong mga tawo nga adunay QP para pagpalit og mga essential sama sa tambal, pagkaon ug uban pang gikinahanglan.

Di ipatuman sa mao nga adlaw ang number coding sa mga QP.

Ang QP adunay tumoy nga odd ug even, gibahin ngadto sa unom ka mga adlaw. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph