Covid-19 recoveries sa Cagayan de Oro anaa na sa 92

DUHA ka returning overseas Filipino workers (ROFs) ug upat ka mga locally stranded individuals (LSIs) nga nagpositibo sa coronavirus disease (Covid-19) ang gi-tag karon nga recovered human ang resulta sa ialng swab test migawas nga negatibo Agosto 1 ug Agosto 2.

Ang kinatibuk-ang ihap sa mga recovered patients nga nagpositibo sa Covid-19 sa Cagayan de Oro anaa na sa 92.

Ang mga naka-recover nga pasyente mao ang:

- Usa ka 48-anyos nga lalaki nga LSI ug residente sa Barangay Patag;

- Usa ka 23-anyos nga LSI gikan sa Quiapo, Manila ug residente sa Barangay Bulua;

- Usa ka 27-anyos nga lalaki nga LSI gikan sa Manila ug residente sa Barangay Consolacion;

- Usa ka 43-anyos nga lalake nga ROF ug residente sa Barangay Bugo;

- Usa ka 47-anyos nga lalake nga ROF ug residente sa Barangay Bulua; ug

- Usa ka 23-anyos nga lalaki nga LSI gikan sa Sugbo ug residente sa Barangay Macabalan.

Nagnegatibo usab ang result sa RT-PCR test sa tanan nga mga close family contacts sa ika-124 nga kaso, kinsa usa ka 44-anyos nga lalaki nga Authorized Person Outside Residence (APOR) ug residente sa usa ka gated community sa Barangay Lumbia.

Samtang pito ka mga pasyente nga positibo sa Covid-19 ang gieskedyul nga i-re-swab, kini sila mao ang 23-anyos nga lalaki nga taga-Barangay Bonbon; ang 15-anyos nga babaye nga taga-Barangay Kauswagan; ang 27-anyos nga lalake nga taga-Barangay Bugo; ang 45-anyos nga lalake nga taga-Barangay Carmen; ang 37-anyos nga lalake nga taga-Barangay Macabalan; ang 48-anyos nga taga-Barangay Indahag; ug usa ka 31-anyos nga taga-Barangay Gusa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph