SUPERBALITA CAGAYAN DE ORO

11 ka bag-ong kaso sa Covid-19 sa Oro pulos ROFs, LSIs

ANAA na sa 159 ang natalang kaso sa coronavirus disease (Covid-19) sa Cagayan de Oro human tulo ka mga returning overseas Filipino workers (ROFs) ug walo ka mga locally stranded individuals (LSIs) nagpositibo sa virus.

Matud ni City Health Office Epidemiologist Dr. Joselito Retuya, ang 11 nga mga pasyente nga nagpositibo sa Covid-19 gidala dayon sa city isolation unit pag-abot nila sa dakbayan.

Sa pagkakaron, anaa na sila sa Temporary Treatment and Monitoring Facility.

Ang ika-149 nga kaso usa ka 35-anyos nga lalaki nga ROF ug residente sa Barangay Macabalan. Miabot siya sa NAIA kaniadtong Hulyo 18 diin siya gi-swab. Ang resulta migawas nga negatibo Hulyo 23.

Sumala ni Retuya, ang lalaki nagpabilin sa usa ka hotel gikan Hulyo 18 hangtod Hulyo 25. Miabot siya sa Cagayan de Oro Hulyo 26 ug gi-swab Hulyo 30. Ang resulta nagpositibo Agosto 1.

Ang 35-anyos nga lalaki ingon asymptomatic ug wala’y nahibal-an nga comorbidity.

Ang ika-150 nga kaso usa ka 28-anyos nga lalaki nga ROF ug residente sa Barangay Puerto. Miabot siya sa Manila Hulyo 17 ug nagpabilin sa usa ka hotel sa Cubao.

Gi-swab siya Hulyo 18 ug ang resulta migawas nga negatibo Hulyo 24.

Miabot sya sa Cagayan de Oro pinaagi sa eroplano Hulyo 24 ug gi-swab Hulyo 30. Ang resulta migawas nga positibo Agosto 1.

Usa siya ka asymptomatic ug matud ni Retuya ang lalaki adunay skin asthma.

Ang ika-151 nga kaso usa ka 35-anyos nga babaye nga ROF ug residente sa Barangay Carmen. Miabot siya sa NAIA Hulyo 18 diin siya gi-swab ug negatibo ang resulta.

Ang babaye nagpabilin sa usa ka hotel sa Ortigas gikan Hulyo 18 hangtod Hulyo 24.

Nianhi siya sa Cagayan de Oro Hulyo 25 sakay sa eroplano ug gi-swab Hulyo 30. Ang resulta migawas nga positibo Agosto 1.

Ang 35 anyos nga babaye usa ka asymptomatic ug wala’y nahibal-an nga comorbidity.

Ang ika-152 nga kaso usa ka 51-anyos nga lalaki nga LSI ug residente sa Upper Balulang. Matud ni Retuya nga nagbiyahe siya sa Cagayan de Oro pinaagi sa usa ka van ug nakaabot sa dakbayan Hulyo 25.

Gi-swab siya Hulyo 30 ug positibo ang iyang resulta Agosto 1.

Ang lalaki asymptomatic ug wala'y comorbidity.

Ang ika-153 nga kaso usa ka 26-anyos nga lalaki nga LSI gikan sa Sampaloc, Manila ug residente sa Barangay Camaman-an. Miabot siya sa Cagayan de Oro pinaagi sa eroplano Hulyo 23 ug gi-swab Hulyo 31.

Ang resulta migawas nga positibo Agosto 2. Siya ingon asymptomatic ug wala’y nahibal-an nga comorbidity.

Ang ika-154 nga kaso usa ka 38-anyos nga lalaki nga LSI ug residente sa Barangay Camaman-an. Miabot siya sa Cagayan de Oro pinaagi sa eroplano Hulyo 24 ug gi-swab Hulyo 31. Ang resulta migawas nga positibo Agosto 2.

Ang lalaki asymptomatic ug wala'y comorbidity.

Ang ika-155 nga kaso usa ka 41-anyos nga lalaki nga LSI gikan sa Makati ug residente sa Barangay Lumbia. Miabot siya sa Cagayan de Oro pinaagi sa eroplano Hulyo 26. Siya gi-swab Hulyo 31 ug ang resulta positibo Agosto 2.

Ang lalaki asymptomatic ug adunay hypertension.

Ang ika-156 nga kaso usa ka 38-anyos nga lalaki nga LSI gikan sa Mandaue, Cebu ug residente sa Barangay Agusan. Miabot siya sa Cagayan de Oro pinaagi sa pagbiyahe sa dagat Hulyo 24. Siya gi-swab Hulyo 31 ug migawas nga positibo ang resulta Agosto 2.

Ang lalaki asymptomatic ug wala'y comorbidity.

Ang ika-157 nga kaso usa ka 36-anyos nga lalaki nga LSI gikan sa Mandaue, Cebu ug residente sa Barangay Gusa. Miabot siya sa Cagayan de Oro Hulyo 24 pinaagi sa pagbiyahe sa dagat. Gi-swab siya Hulyo 31 ug positibo ang resulta Agosto 2.

Ang lalaki asymptomatic ug wala'y comorbidity. Matod ni Retuya nga siya ang close contact sa ika-156 nga kaso.

Ang ika-158 nga kaso usa ka 34-anyos nga babaye nga LSI gikan sa Sta. Mesa, Manila ug residente sa Barangay Kauswagan. Miabot siya sa Cagayan de Oro pinaagi sa pagbiyahe sa dagat Hulyo 26.

Ang babaye gi-swab Hulyo 31 ug migawas nga positibo ang resulta Agosto 2. Siya asymptomatic apan adunay hypertension.

Ang ika-159 nga kaso usa ka 3-bulan nga batang babaye nga LSI gikan sa Sta. Mesa, Manila ug residente sa Barangay Kauswagan. Matud ni Retuya, siya ang anak ug close contact sa ika-158 nga kaso.

Ang babaye kauban ang iyang inahan sa ilang pagbiyahe balik sa Cagayan de Oro. Gi-swab siya Hulyo 31 ug positibo ang resulta Agosto 2.

Matud ni Acting City Health Officer Dr. Lorraine Nery ang Cagayan de Oro adunay 61 ka mga active cases, diin ang usa gi-admit sa Northern Mindanao Medical Center, pito ang mga outpatients ug 53 ang mga ROF/LSI.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph