SUPERBALITA DAVAO

Nagpusil sa bodyguard ni Jubahib giukoy

ASUNCION, Davao del Norte -- Padayong giimbestigahan sa kapulisan ang motibong nagpaluyo sa insidenteng nahitabo sa bodyguard sa gobernador ning probinsya nga gipusil sa wala mailhing armado sa National Highway, Purok 3, Barangay Sagayen, Asuncion alas 8:00 sa gabii, Dominggo.

Ang biktima nailhang si Gerry Cabillanes, bodyguard ni Governor Edwin Jubahib, 38, ulitawo ug molupyo sa Purok 3, Causwagan, Barangay New Cortes, New Corella.

Subay sa report, ang biktima gikan sa lungsod sa Laak, sakay sa gimanehong motorsiklo padung sa direksyon sa New Corella sa puloy-anan niini apan, pag-abot sa dapit, usa ka wa mailhing armado nga nagsakay og laing motorsiklo ang mipatim-aw dayon gipusil ang biktima tumong sa nagkadaiyang parte sa lawas gamit ang wala matinong kalibre sa armas.

Human sa gihimong pagpamusil ang suspek nagdaling misibat palayo sakay sa gimanehong motorsiklo paingon sa wala masayring direksyon.

Samtang ang biktima gidali pagdala sa pinakaduol nga balay tambalanan aron siya matambalan.

Narekober gikan sa crime scene ang duha ka mga basiyo sa bala sa gituohang kalibre .45 nga armas. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph