SUPERBALITA DAVAO

Face shields gidumog sa katawhan

HUMAN dunay gipagula nga memorandum circular ang Land Transportation Franchising and Regulatory Board (LTFRB) nga magmandu nga magsuot na og face shields kon taming sa nawong ang mga pasahero, drayber ug konduktor sa mga pampublikong dyip ug mga bus, nagdasok ang mga mamalitay sa mga sidewalk ug sa mga tindahan sa Uyanguren, Davao City.

Nagbagulbol ang usa ka 53 anyos nga si Merla Hornado, taga Barangay 76-A, Bucana, Davao City dihang migara ang mga vendors sa San Pedro Street sa pagpamahal sa ilang mga produkto.

"Nagsalig sila kay demand kaayo karon, ilang gimahalan ang presyo, last day tag P40 lang, karong P80 ngadto sa tag P120 na, grabe pod oy, dili makatabang sa isig ka Filipino ang mga negusyante," ingon ni Merla nga nahinabi sa Superbalita Davao kagahapon.

Nagdasok ang mga mamalitay sa San Pedro Street ug sa mga tindahan sa Uyanguren. Bisan mahal na ang presyo, mopalit gihapon ang mga tawo gumikan suma sa mandu sa LTFRB, puwede balibaran sa drayber ang pasahero nga di pasakyon ugaling wala kini nakasuot og face shield.

Sa bahin sa usa call center agent nga nakigduot sab nga mopalit og face shield, "Hasol naman kaayo ni oi, sagabal, enough naman unta ang face mask, social distancing ug maghugas og kamot. Okay lang ning face shields like cashier sa restaurant."

Ang paggula sa memorandum sa LTFRB dungan sab nga migula ang Department of Transportation (DOTr) sa ilang Memorandum Circular 2020-014 nga sugod Agosto 15, 2020, mandatory na ang pagsuot og face shields sa mga pasahero sa tanang pampublikong sakyanan.

Sa bahin sab sa Department of Trade and Industry (DTI), lisod kaayo nila pahamtangan og silot ang mga malapason nga mga negusyante sanglit sagad sa mga gibaligya karon nga face shields sa publiko pulos China made nga wala na rehistro sa buhatan sa DTI.

Ang kapulisan nalang ang dunay dako nga papel sa pagdakop sa mga malapason subay sa reklamo sa publiko kung mograbe na ang pagmahal nga mipahimulos sa higayon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph