SUPERBALITA CAGAYAN DE ORO

6 ka mga bag-ong kaso sa Covid-19 natala sa Cagayan de Oro

NAKATALA og unom ka mga bag-ong kaso sa coronavirus disease (Covid-19) ang Cagayan de Oro human nagpositibo ang resulta sa swab test sa usa ka local case ug lima ka locally stranded individuals (LSIs).

Sa pagkakaron, anaa na sa 165 ang kinatibuk-ang kumpirmadong kaso sa Covid-19 sa dakbayan.

Ang ika-160 nga kaso usa ka 33 anyos nga lalaki nga LSI gikan sa Mandaue, Cebu ug residente sa Barangay Macasandig. Miabot siya sa Cagayan de Oro pinaagi sa eroplano Hulyo 26 ug gi-swab Agosto 1.

Ang resulta sa iyang swab test migawas nga positibo Agosto 3. Ang lalaki asymptomatic ug nailhan nga asthmatic.

Sa pagkakaron, nagpabilin siya sa Temporary Treatment and Monitoring Facility.

Ang ika-161 nga kaso mao ang usa ka 22 anyos nga lalaki nga LSI gikan sa Parañaque City ug residente sa Barangay Pagatpat. Miabot siya sa Cagayan de Oro Hulyo 24 pinaagi sa eroplano ug gi-swab Agosto 1. Ang resulta migawas nga positibo Agosto 3.

Ang lalaki asymptomatic ug wala'y comorbidity. Nagpabilin siya karon sa Temporary Treatment and Monitoring Facility.

Ang ika-162 nga kaso usa ka 27 anyos nga lalaki nga LSI gikan sa Biñan, Laguna ug residente sa Barangay Kauswagan. Miabot siya sa Cagayan de Oro Hulyo 27 pinaagi sa pagbiyahe sa dagat. Gi-swab siya Agosto 1 ug ang resulta migawas nga positibo Agosto 3.

Matud ni Retuya, ang lalaki adunay colds sukad Hulyo 27. Wala siyay comorbidity.

Ang City Health Office nakakita og tulo ka close contacts sa lalaki, silang tanan nagnegatibo sa virus ug karon anaa sa city isolation unit.

Ang ika-163 nga kaso usa ka 57 anyos nga lalaki nga LSI gikan sa Antipolo, Manila ug residente sa Barangay Cugman. Miabot siya sa Cagayan de Oro Hulyo 27 pinaagi sa pagbiyahe sa dagat ug gi-swab Agosto 1. Ang resulta migawas nga positibo Agosto 3.

Ang lalaki asymptomatic ug walay comorbidity. Karon siya naa sa Temporary Treatment and Monitoring Facility.

Ang ika-164 nga kaso usa ka 29 anyos nga babaye nga LSI gikan sa Makati ug residente sa Barangay Lapasan. Miabot siya sa Cagayan de Oro Hulyo 27 pinaagi sa pagbiyahe sa dagat. Gi-swab siya Agosto 1 ug ang resulta migawas nga positibo Agosto 3.

Ang babaye asymptomatic ug wala'y comorbidity. Karon siya nagpabilin sa Temporary Treatment and Monitoring Facility.

Ang City Health Office naka-identify og duha ka close contacts, kini sila ang bana ug anak sa babae. Ang duha naa sa city isolation unit sa pagkakaron.

Ang ika-165 nga kaso usa ka 75 anyos nga babae nga residente sa usa ka gated community sa Barangay Lumbia.

Matud ni Northern Mindanao Medical Center (NMMC) medical specialist Dr. Bernard Rocha, ang babae nakasinati og hilanat sulog sa tulo ka adlaw ug adunay pud syay problema sa pag-ihi.

Dugang pa ni Rocha nga usa ka adlaw sa wala pa sya gi-admit, nagkagrabe ang iyang mga sintomas ug nakasinati sya og shortness of breath. Gidala sya sa usa ka pribadong ospital diin siya gi-intubate ug gi-swab Agosto 2.

Ang resulta sa iyang swab test migawas nga positibo Lunes, Agosto 3. Gibalhin sya sa NMMC alas-8 sa gabie sa Lunes ug gi-admit sa emergency room na naa sa kritikal nga kahimtang.

Matud ni Rocha, ang iyang diagnosis mao ang acute respiratory distress syndrome (severe) secondary sa iyang Covid-19 infection, community-acquired pneumonia (high risk), ug hypertensive cardiovascular disease.

Ang babae ang unang pasyente nga gitambalan gamit ang Remdesivir. Namatay ang babae 9:30 sa buntag Martes, Agosto 4.

Sumala ni City Health Office Epidemiologist Dr. Joselito Retuya, adunay inisyal nga mga taho nga ang babae nagbiyahe sa usa ka munisipyo sa Lanao del Sur ug naay mibisita sa iya gikan sa Lanao del Sur.

Ang maong mga taho gi-verify pa sa pagkakaron, matud ni Retuya.

Ang 75-anyos nga babae nagpuyo uban sa iyang duha ka mga apo. Matud ni Retuya ang contact tracing nagpadayon sa pagkakaron.

Ang 75-anyos nga babaye mao ang ikapito nga kamatayon sa Covid-19 sa Cagayan de Oro.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph