6,352 bag-ong kaso sa Covid

SA UNANG adlaw sa pagpagpatuman sa mas hugot nga quarantine level sa National Capital Region (NCR) ug upat ka mga lalawigan sa Luzon, ang Department of Health nitala og dugang 6,352 ka dugang mga kaso sa coronavirus infections, nga mao ang labing dako sa usa lang ka adlaw sukad nga dunay kompirmadong kaso sa Covid-19 ang Pilipinas.

Hapit katunga sa mga kaso kun 3, 139 nagagikan sa NCR kun Metro Manila. Sa ilang bulletin sa mga alas 4 sa hapon, Martes, Agusto 4, 2020, ang DOH nitala usab og dugang 240 ka mga pasyente nga naka-recover gikan sa coronavirus disease (Covid-19) nga nidala sa gidaghanon sa nangaayo ngadto sa 66,049.

Nitaho usab ang buhatan og dugang 11 nga nangamatay, nga nidala sa patay ngadto sa 2,115.

Ang gidaghanon sa bag-ong mga kaso nidala ngadto sa 112,593, diin 44,429 ang aktibong mga kaso kun kadtong naa pa sa mga ospital ug quarantine.

Matod sa DOH nga ang 89 ka duplicates gitangtang gikan sa ihap sa mga kaso.

Gawas sa Metro Manila, ang laing mga dapit nga dunay daghang bag-ong mga kaso naglakip sa Laguna, 592; Cavite, 550; Rizal, 277 ug Cebu, 261. (SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph