SUPERBALITA CEBU

Contact tracing center gitukod sa Mandaue City

ARON masulbad ang panginahanglan sa contact tracing sa mga tawo nga posibleng dunay coronavirus disease (Covid-19), ang Mandaue City Public Library Computer Laboratory gihimo unang Contact Tracing Operations Center.

Gawas sa pagkuha og dugang contact tracers, ang Kagamhanan sa Dakbayan sa Mandaue nagtukod sa maong operation center.

Sa center iproseso ang mga datos sa mga na-contact trace.

Si Atty. Si John Eddu IbaƱez, executive secretary ni City Mayor Jonas Cortes, niingon nga ang City Government ug mga opisyal sa Mandaue City Police Office maoy modumala sa operation center.

Gibuksan ang contact tracing operation center niadtong Lunes Agusto 3, 2020.

Si Police Captain Jovito Labra ug Police Captain ug si Eric Gingoyon, mao ang gitahasan isip liaison.

Sa usa ka interbyu, niingon si Labra nga ang operation center bukas 24/7.

Didto nila kolektahon ug tigumon ang mga datos sa contact tracing nga nakuha gikan sa kabarangayan.

Dugang ni Labra nga ang matag barangay sa Mandaue CIty adunay usa ka pulis nga moabag sa contact tracing sa barangay.

Ang maong mga pulis sab ang mohatag sa datos nga nakuha sa barangay ngadto sa operation center.

Gipaambit ni Gingoyon nga dako ang pribilihiyo nga nakuha sa MCPO sa contact tracing seminar ni Baguio City Mayor Benjamin Magalong.

Ingon niini, gihangop sa lungsod ang pipila ka mga pamaagi nga gihisgutan ni Magalong sa seminar.

Ang usa niini mao ang pag-contact trace sa mga nataho nga nagpositibo sa virus pipila pa ka adlaw sa wala pa kini ma-swab.

Kon adunay simtomas ang nagpositibo, i-contact trace ang mga tawo nga iyang nakahimamat sa milabayng 14 ka adlaw.

Samtang sa mga walay simtomas, i-contact trace ang mga indibidwal nga nahimamat sa nag positibo sulod sa duha ka adlaw. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph