SUPERBALITA CEBU

Lonzon: GCQ sa Cebu City, trapik

Mata sa agila

DAGHAN ang badlungong mga tawo ug wa motahod sa protocol nga gipatuman sa siyudad sa Sugbo.

Wa pa gani hingpit mapatuman ang general community quarantine ( GCQ ) sa Cebu City niadtong Agusto 1, 2020 apan migara na ang mga tawo.

Sa Hulyo 31, 2020 sa pahibawo ni Presidente Rodrigo Duterte nga sa Agusto 1 GCQ na ang siyudad ug naglumpayat na ang mga tawo. Ang resulta daghang nadakpan kay way quarantine pass. Kon duna man wa masibo sa ilang adlaw paggawas base sa ilang number coding.

Sa akong banabana miabot og 600 ka mga tawo ang nadakpan sa Hulyo 31 mismo. Sa Agusto 1, kapin sa 300 ka mga tawo.

Gihimong rason sa mga nadakpan ang pahibalo sa Department of Interior Local Government (DILG) wa na kinahanglana ang Q pass.

Human sa kontrobersya mipatin-aw ang DILG nga dunay executive order si Cebu City Mayor Edgardo Labella nga maoy tahuron.

Sa EO sa mayor nalatid ang mga protocol nga sundon sama sa pagamit sa Q pass sa odd ug even number nga magamit lang og katulo sa usa ka semana. Apan gusto sa mga badlungon kada adlaw bisag di importante ang lakaw.

Samtang nagkaguliyang ang trapik sa mga karsada sa siyudad sa Sugbo, kay nagbaha ang gidaghanon sa mga sakyanan.

Usa sa nakatampo sa trapik mao ang checkpoints. Apil na ang mga motorista nga nanggawas nga way mga Q pass.

Ang checkpoint gibutang aron badlungon ang wa mosunod sa protocol. Dunay mga motorista ang wa makalusot kay nasakpan.

Ang ako unta irespito ang protocol kay tuyo niini aron dili mokuyanap ang virus.

Ang tuyo sa GCQ aron pagbuhi sa ekonomiya pinaagi sa pag-abli sa mga negosyo. Ug makabalik sa ilang trabaho ang nawad-an og trabaho.

Kon padayon ang kagahi sa inyong ulo posibling mobalik ta ani sa ECQ. Mosamot nasab ang kalisud sa panginabuhi.

Daghang gipanggutom karon kay nawad-an og trabaho. Daghang nagkasakit ug way kuwarta ikapalit og tambal. (Email: efrenlknzon71@gmail.com, Text: 09235562777)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph