SUPERBALITA DAVAO

Delos Reyes: Frontliners gipangkapoy na!

Yanong Pagsabot

KINSAY moatiman sa sunod nga mga matakbuyan sa coronavirus disease (Covid-19) nga mga frontliners sa nasud?

Gipangkapoy ug daw nawad-an na sa paglaum ang mga doctor, nurses ug mga kaubanang frontliners gumikan sa padayon nga pagtaas sa ihap sa mga biktima sa Covid matag adlaw.

Sila mismo nga naa sa unang ang-ang sa pagdepensa sa katawhan naghinayhinay kagamay tungod pipila sa ilang mga kauban ang naa naapil sa listahan nga ginaihap matag adlaw ug ang uban nangamatay.

Sa ilang panlimbasog, pagpanaway ang ilang nabati gikan sa baba sa mga naa sa gobyerno, senador nga wala naghatag og bili sa mga paghago nga ilang ginahimo, naga-serbisyo uban ang kahadlok tungod dili luwas ug basin mahimong mananakud sa mismong sakop sa ilang panimalay.

Sa handum nga madungog sa mga gitahasan sa pagtan-aw ug maga-patuman sa mga aksyon kontra Covid, sila nag-rally aron isinggit ang ilang panawagan sa mga naa sa puder, apan husto ba ang ilang gihimong mga lakang?

Ang singgit sa mga kritiko sa gobyerno nga inutil ang kagamhanan sa pagpahamtang og piho nga direksyon ug mga aksyon sa pag-atubang sa pandemya, nakadugang sa hagit nga sila misinggit aron ipabati nga duna silay suhistyon.

Dili kuwarta, dili dugang sa sweldo ang ilang gina pangayo apan kongkreto nga aksyon lang nga buot nilang pakighugopan sa pagpakigbatok sa virus.

Ang maayong tumong gilugaw sa singgit nga “reboulsyon," mga pulong nga atong madungog diha sa mga buot hugnoon ang kasamtangan nga administrasyon tungod sa personal nga tumong.

Atong nabati ang pagkadismaya ni President Rodrigo Duterte, nagdahum nga ang mga frontliners iyang kauban sa kawsa paghatag sa maayong serbisyo sa katawhang Pinoy apan duna diay tahop nga nasagul!

Kon tinuod man nga gikan sa laing pundok sa frontliners ang singgit nga rebolusyon mas maayo nga mohawa nalang kay sa panahon sa kahamugaway inyong gitamasa ang kalipay apan sa kalisud inyong buslotan ang bangka ug damayon pa ang uban.

Mas maayo mo-resign mo ug moapil sa mga demonstrador sa kadalanan, dili ang pagpadayon sa paghakop sa kwarta sa katawhan, mga nag-ilaid sa kalisod tungod sa mga lockdown ug sa quarantine.

Tinuod, risgo ang inyong giatubang apan wala thankyuha sa gobyerno ang inyong kahago kay siguro nga duna moy income inig human sa bulan, samtang ang mga kabus wa pay kasiguruhan makompleto ang tulo ka kan-anan o kaha matulog nga magkutoy ang tiyan.

Sa bahin sab sa gobyerno, unta paninawon sab ang mga sugyot, kay bisan sa labing gamay ug labing ubos, dunay tay mapupo kon bisan gamay kay usahay ang dakong kalampusan magsugod sa gamay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph