SUPERBALITA CAGAYAN DE ORO

4 ka mga bag-ong kaso sa Covid-19 sa Oro pulos ROFs, LSIs

DUHA ka mga returning overseas Filipino workers (ROFs) ug duha ka mga locally stranded individuals (LSIs) ang mga bag-ong kumpirmadong kaso sa coronavirus disease (Covid-19) sa Cagayan de Oro human sila nagpositibo sa Sars-CoV-2 Agosto 4.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 169.

Matud ni City Health Office Epidemiologist Dr. Joselito Retuya, ang mga bag-ong kaso sa Covid-19 nagpabilin sa Temporary Treatment and Monitoring Facility.

Ang ika-166 nga kaso usa ka 29 anyos nga lalaki nga ROF gikan sa Middle East ug residente sa Barangay Macasandig. Miabot siya sa NAIA kaniadtong Hulyo 21 diin siya gi-swab ug ang resulta migawas nga negatibo.

Matud ni Retuya, ang lalaki nagpabilin sa usa ka hotel sa Pasay City sulod sa unom hangtod pito ka adlaw hangtod Hulyo 27.

Ang 29 anyos nga lalaki miabot sa Cagayan de Oro pinaagi sa eroplano Hulyo 28. Siya gi-swab Agosto 3 ug ang result migawas nga positibo Agosto 4.

Siya asymptomatic ug wala'y comorbidity.

Ang ika-167 nga kaso usa ka 56 anyos nga babaye nga LSI gikan sa Bacoor, Cavite ug residente sa Barangay Bulua. Miabot siya sa Cagayan de Oro pinaagi sa eroplano kaniadtong Hulyo 29. Giingon ni Retuya nga nakaabot siya nga nakasinati og ubo.

Sa pagkakaron, ang iyang ubo naayo na.

Ang babaye gi-swab Agosto 3 ug ang result migawas nga positibo Agosto 4. Wala siya nahibal-an nga comorbidity.

Ang ika-168 nga kaso usa ka 22 anyos nga lalaki nga LSI gikan sa Malate, Manila ug residente sa Barangay Carmen. Miagi siya sa usa ka rapid diagnostic test ug ang resulta migawas nga IgG ug IgM positive.

Gi-kwarantina sya sa usa ka pasilidad sa Manila. Miagi usab siya sa rapid diagnostic test Hulyo 18 ug negatibo ang resulta.

Ang lalaki miabot sa Cagayan de Oro Hulyo 29 ug gi-swab Agosto 3. Ang resulta migawas nga positibo Agosto 4.

Siya asymptomatic ug wala'y nahibal-an nga comorbidity.

Ang ika-169 nga kaso usa ka 30 anyos nga lalaki nga ROF gikan sa Middle East ug residente sa Barangay Balulang. Miabot siya sa NAIA Hulyo 21 diin siya gi-swab ug migawas nga negatibo ang resulta.

Giingon ni Retuya nga ang lalaki nagpabilin sa usa ka hotel sa Makati sulod sa pito ka adlaw samtang naghulat sa resulta sa iyang swab test.

Miabot siya sa Cagayan de Oro Hulyo 28 ug gi-swab Agosto 3. Ang resulta migawas nga positibo Agosto 4.

Siya asymptomatic ug wala'y comorbidity.

Sa pagkakaron, ang Cagayan de Oro adunay 62 ka mga active cases, diin lima niini ang mga outpatients ug 57 ang mga ROFs/LSIs.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph