SUPERBALITA CEBU

Tambagi ko Noy Kulas: Tinuod o di?

DEAR Noy Kulas,

Just call me John. Ang akong problema ang akong sitwasyon karon nga nag-quarantine ta. Way kwarta ug gibuhi lang ko sa akong asawa. Pero ang akong pagkaseloso nisuol og maayo.

Kuhaon na sila kada adlaw sa ilang service kay way public transportation. Mao to maikog ko sa akong asawa, ako na siyang ihatod sa parkingan sa ilang sakyanan. Ako pud siyang sugaton. Karon, akong nabantayan nga pirme silang magtupad sa mao nga lalake. Sa primero, wa lang ko magtagad ba kay kauban ra sa trabaho, pero nagkadugay, lain na man ang akong naoserbahan. Mokiat man ang akong asawa kon magtupad na sila.

Pwerte nakong laguta kadto akong nakit-an nga nisandig sa dughan sa iyang kaubang lalake ang akong asawa. Kuno wa niya tuyoa kay nakatug ra kuno siya. Pero ako man gud nabantayan nga iyang pasibugon ang iyang mga kauban aron sila magkatupad. Mao to pwerte namong awaya. Mosuol pa og samot kon di ko niya pakuanon.

Noy, unsay imong tan-aw aning sitwasyon sa akong asawa, naa kahay katinuoran sa akong pagduda? Maluoy ko sa among mga anak kay maapektuhan og maayo kon mag-aw mi. Unsaon kaha nako pagsakop nila kon naa man? Please tambagi ko.

JOHN

John,

Lisod kaayo rong panahuna ang pagduda duda unya way kamatuoran. Hinuon, lisod sab isalikway completely no kay naa man kay nabantayan ug nakit-an. Natural, kinsa man nga bana ang di magduda kon pirme na lang sab sila magtupad, papahawaon o pasibugon pa ang mga kauban aron sila magtupad. Mag flirt pa ang imong asawa kon makatupad niya. Samot na adtong nagsandig sa dughan.

Ayaw undangi ang paghatod kuha sa imong asawa. Badlunga siya anang iyang hinanggaw ug isip proof usab nga wa silay something in between anang mao nga lalake. Kon moinsister siyang magtupad, tell her to quit. Unya karon gung panahona, di angay ikaguol kay panahon ning pandemic, daghan ang mga negusyo online bisan ginangmay. Basta naay income. Kay sa padayon siyang motrabaho, apan magkagubot ug kuyaw pang mabungkag ang inyong pagpuyo.

NOY KULAS

rojval69@yahoo.com ug kulassuper@sunstar.com.ph


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph