SUPERBALITA CEBU

Siquijor mihangyong pag-uli sa SLI ihunong

ANG Siquijor Provincial Task Force Covid-19, sa Lunes, Agusto 3, 2020, nipalabang ug niaprobar sa usa ka resolution nga naghangyo alang sa temporaryong paghunong sa pagpadala sa locally stranded individuals (LSIs) gikan sa Manila ngadto sa Siquijor.

Sa usa ka post sa official Facebook page sa Provincial Government sa Siquijor, Martes sa gabii, Agusto 4, kini niingon nga ang Provincial Task Force nag-awhag sa National Inter-Agency Task Force (IATF) for Covid-19, pinaagi sa Regional IATF 7, nga tugtan ang Siquijor Provincial Task Force sa temporaryong pagsuspenso sa inbound travel agi sa yuta, kadagatan o kahanginan sa LSIs gikan sa Manila.

Sa pagsuwat ning taho, ang Siquijor Provincial Task Force naghuwat pa sa tubag sa RIATF 7.

Si Siquijor Provincial Governor Zaldy Villa, kinsa nangu sa Siquijor Provincial Task Force, sa usa ka pamahayag nga giluwatan sa Miyerkules, niingon nga sa pagtugot sa Siquijor sa inanay nga pagsud sa liboan ka LSIs, ang Task Force nagkapuliki sa gidaghanon sa mga LSI hinungdan nga nagkuwang ang gidaghanon sa Provincial holding ug quarantine facilities.

“The untimely arrival and uncoordinated movements of these LSIs, at times with questionable documents presented, have caused both physical and mental fatigue such as stress, anxiety, sleepless nights, and exhaustion to the manpower and/or personnel which, in some instances, compromised the safety of our front liners,” matod sa usa ka pamahayag.

Sa pagkakaron, ang Provincial Task Force niingon nga ang Provincial Holding Facility di makapapuyo sa dugang LSIs kay duna pay laing on hold samtang naghuwat sa negative swab test result sa di pa sila mopailawom sa 14 ka adlaw nga mandatory quarantine sa matag local government units.

Samtang, ang biyahe pagawas sa Siquijor padung sa ubang mga dapit sa nasod gitugot.

OKAY RA GIKAN CEBU

Ang pag-uli usab sa Overseas Filipino Workers, LSIs gikan sa Cebu, ug mga pasyente uban sa ilang tagsa ka watchers ngadto sa Siquijor gitugot basta kompleto sila sa mga dokumento.

Alang sa LSIs sa Cebu, tugtan lang sila sa pagbiyahe basta dunay koordinasyon tali sa Office of the Congressman sa Siquijor ug kinahanglan sila negatibo sa swab test.

Sa Martes, Agusto 4, 2020, ang Siquijor, nga Covid-free sud sa pito ka mga buwan, duna nay kinatibuk-ang duha ka positibong mga kaso. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph