SUPERBALITA CEBU

Bag-ong isolation facility sa dakbayan sa Talisay gigamit

HINAYHINAY nga gipangbalhin ang mga pasyente nga positibo sa Covid-19 sa dakbayan ngadto na sa bag-ong pasilidad nga mas hamugaway nga nahimotang sa Barangay Lawaan II.

Si Dr. Lino Alanzado, hepe sa Health Office sa Talisay, nagkanayon nga dunay lima ka mga pasyente ang ilang gipahiluna kagahapon, Agusto 5, ngadto sa isolation facility.

Dugang ni Alonzado, kining mga nagpositibo nga ilang gipahiluna mao kadtong mga panimay nga apeke ang ilang mga lugar.

Sa samang kalamboan, ang Talisay dunay tulo ra ka bag-ong kaso sa Covid-19 nga nadugang ug 25 ang naayo.

Ang mga nagpositibo gikan sa Barangay San Isidro, Tabunok ug Lawaan 3.

Sa kinatibuk-an, niabot na sa 757 ang kaso apan, ang aktibo niini naa lang sa 104.

Ang mga namatay nikabat og 75 apan, ang nakarekuber niabot na og 576.

Kini subay sa datus nga gi-post sa Talisay City Public Information Center.

Gipahibawo sa hepe sa kapulisan sa Talisay nga si PMaj. Gerard Ace Pelare nga walay kausaban sa polisiya sa paggawas sa ilang panimay samtang padayon nga gipaubos sa ang siyudad sa general community quarantine (GCQ).

Matod ni Pelare, hinayhinay na siguro nga nakasabot ang mga Talisaynon sa sitwasyon nga anaa pa ang pandemiya sa nasud.

Iyang gibutyag nga ang nausab lang sa kadalanan mao ang pagdagsa sa mga sakyanan nga moagi sa Talisay paingon sa siyudad sa Sugbo ug sa habagatang bahin sa probinsiya.

Gidugang ni Pelare nga padayon lang gihapon ang ilang pagpatuman sa safety protocol nga gisunod sab sa kadaghanan gawas lang sa pipila ka mga gahi ug ulo.

Usa sa iyang hugot nga pahimangno nga kon ang masakpan sa mga pulis nga nagpabadlong ila nga dakpon ug dad-on sa basketbolan sa Barangay Tapul dayon pasakaan og kaso.

Nahimuot si Pelare nga ubos na ang ihap sa mga tawo nga ilang nadakpan kun diin nagpasabot kini nga naminaw sa ilang hangyo sa mga taga talisaynon.

Wa nila undanga ang ilang mga checkpoint sa nagkadaiyang lugar ug kada adlaw nga rekorida aron molikay sa pag-adto sa dapit nga daghang tawo nga mahimo silang matakdan sa virus. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph