EXTENDED sugod sa Septiyembre hangtod Nobiyembre ang mga rehistrasyon sa sakyanan ug motorsiklo nga ang uwahing plate number anaa sa 6, 7, 8, 9, ug 0.
Gipahibawo sa Land Transportation Office (LTO) nga extended hangtod Septiyembre 30 ang validity sa mga sakyanan ug motorsiklo nga ang uwahing palte number anaa sa 6, 7, ug 8.
Sa Hunyo unta ang original deadline sa ending plate number nga 6, sa Hulyo ang 7, ug sa Agusto ang 8.
Samtang Oktubre 30 ang extended deadline sa sakyanan o motorsiklo nga ang uwahing plate number anaa sa 9.
Sa Septiyembre ang orihinal nga deadline unta niini.
Samtang extended hangtod Nobiyembre 30 ang mga sakyanan o motorsiklo nga ang uwahing plate number anaa sa 0.
“Sa mga wala pay plaka, palihug og tan-aw sa inyong Certificate of Registration, ubos nga bahin, makita ang OR date, mao kana ang inyong tamdanan o petsa sa pag renew sa inyohang motor,” tipik sa Facebook post sa LTO 7.
Gilugwayan sa LTO ang mga validity sa rehistrasyon sa mga sakyanan ug motorsiklo tungod kay aduna’y mga LTO offices nga sira atol sa pagpasaka sa enhanced community quarantine sa mga pipila ka dapit sa nasod.
AGUSTO 15
Giklaro ni Land Transportation Franchising and Regulatory Board (LTFRB) 7 Regional Director Eduardo Montealto nga padayon nga ipatuman ang “No Face Shield, No Ride Policy” sugod karong Agusto 15.
Kini human nagtuo ang publiko nga epektibo dayon ang mando sa Department of Transportation.
Dugang niini nga temporaryo nila nga gisuspenso ang pagpatuman sa pagsul-ob og face shield sa mosunod nga 10 ka adlaw tungod kay sa Agusto 15 pa kini hingpit nga ipatuman.
Agusto 4 niisyu ang DOTr niisyu sa Memorandum Circular No. 2020-014 diin gimando ang pagsul-ob og face shield ang mga sumasakay sa pampubliko nga transportasyon.
Sa maong order nga pinirmahan ni DOTr OIC Undersecretary for Administrative Service Artemio Tuazon Jr., ang mandatory nga pagsul-ob sa face shield sa tanang pasahero diin pwede ang pampubliko nga transportasyon magsugod karong Agusto 15 pa.