TACURONG CITY -- Dunay dakong posibilidad nga ibalik sa general community quarantine (GCQ) o kaha enhanced community quarantine (ECQ) ang probinsiya sa Sultan Kudarat.
Rason niini mao ang padayon nga pagtaas sa ihap sa mga nagpositibo sa coronavirus disease (Covid-19).
Kini mismo ang gibutyag ni Governor Suharto Mangudadatu human niya nahibaloan nga daghang mga locally stranded individuals (LSIs) nagpositibo sa sakit.
Dako ang pagtuo ni Mangudadatu nga modugay pa ang pandemya kung diin giseguro niini ang pagpangandam sa probinsiya batok sa krisis sa Covid-19.
Gawas sa pagpatukod og mga isolation facilities, gidoble sab ang food supplies nga gitipigan sa kagamhanang probinsiyal nga kung ugaling modaghan pa ang mga LSIs ug mga returning overseas Filipino o ROFs dili kulangon sa suplay ang probinsiya.
Ang probinsiya anaa karon sa modified GCQ. (Edgar E. Fuerzas)