WALAY kabutangan sa kasuko sa usa ka ginang dihang iyang nasayran nga gikonsumo sa iyang mister ang ilang silingan nga 20 anyos didto sa Barangay 24-C, Poblacion, Davao City.
Martes sa buntag mipatala sa Sta. Ana Police Station ang 52 anyos nga misis human iyang gireklamo ang 20 anyos nga silingan dihang iyang napamatud-an nga dunay tinago nga relasyon sa iyang mister.
Una niini, ang misis gisugnuran og istorya sa iyang tsismosa nga silingan nga iyang nakita ang bana nga misulod sa boarding house sa 20 anyos nga call center agent.
Dihang giukoy sa misis ang iyang mister, iyang nakita mismo mga alas 11 sa gabii niadtong Lunes, mihinayhinay og sulod sa boarding house ang iyang bana.
Wala lamang siya nakapanawag og pulis diin iya na lamang kining giukoy ug dangtan sa 2 ka oras pa kining nakagawas gikan sa boarding house.
Pag-abot sa mister, naluya kini ug didto na nagsugod og yawyaw ang misis samtang gipakita ang mga kuha mga piktyur sa pagsulod sa boarding house.
Hugot ang paglimod sa bana nga duna sila'y relasyon sa babayeng batan-on kinsa miingon lamang kini nga nag-ayo sa tubo sa tubig sud sa boarding house.
Bisan pa man niini, silang tulo mag-abot sa barangay aron didto sila mahusay.