DEAR Papa Joe,
Ako diay si Alfred, 32 years old, professional na pero ulitawo pa.
Naa koy hinigugma na usa ka kanhi GRO. Nagpakita man siya og simtomas sa paghigugma nako, pero walay konpirmasyon nga kami kay di man gyud siya mosugot nga mag opisyal. Pero tanan tanan mura gyud mi og uyab. Ang buhat sa minyo pirmi namong saw-an, pero kon ako siyang hagdon og kasal di gyud siya.
Basta mohisgot ko niya ug ing ana kay molayo dayon ni siya nako. Mao na mosugot na lang ko na ing ani mi kay sa mawala siya nako. Naa kaha koy ugma ani niya? Unsa may buhaton ko? Palihug tambagi ko.
ALFRED
Alfred,
Segur,o pasalamat nalang ka sa panahon nga nahatag niya nimo. Naa gyud na siyay rason. Tinuod nahigma siya nimo, pero naa lay babag nga siguro nasayod ka, pero nagpaka buta lang ka tungod kay napugngan ka sa kahadlok nga mawala siya nimo.
Siguro taas pa na siya og pangandoy sa kinabuhi nga tan aw niya di makuha diha nimo. O ba kaha hadlok siya makig commit nimo. Basin masakitan lang siya kay tungod sa iyang pagka siya. Pero, Dong, kon tan aw nimo di gyud mo work out ug masakitan ka lang, undangi na lang na.
PAPA JOE
(para sa inyong tampo ipadala lang sa papajoesuperb@gmail.com)