SUPERBALITA CEBU

Serna: Unsa kahay ‘dagway’ sa Pasko?

kyaw-kyaw

PASTILAN! Wa lang damha, hapit na diay maglima ka bulan sukad sa pagsugod sa quarantine.

Unya pila lang ka adlaw gikan karon, magsugod na usab ang labing taas nga pagsaulog sa Pasko sa tibuok kalibutan: ang pagsaulog sa Pilipinas.

Di ba inig sugod sa bulan sa Septyembre, magsugod na sab pagpatugtog sa mga kanta sa Pasko ang uban natong mga kaigsuonan? Ang pangutana: unsa kahay ‘dagway’ sa Pasko ning panahon sa pandemya?

Laing pangutana: molayas na kaha si Tiya Covid sa Disyembre aron makasaulog ta sa Pasko to da max? Maayo unta!

* * *

‘Sino kaya ang nagbigay sa kanila ng quarantine pass?,’ komedyang pangutana ni Mike Enriquez sa programa niini sa dzBB nga gi-hook-up sa dySS matag 7:00 sa buntag.

Nakapangutana si Mike niini tungod sa pagsuroy sa mga mananap sa kadalanan sa lain-laing lugar sa nasud.

Una mao ang ostrich (dakong langgam nga kusog modagan pero di makalupad).

Nisunod niini ang baboy ug baka, ug sa miaging adlaw bayawak na sab kuno ang nakit-an sa Davao.

Unsa kahay mosunod?

* * *

Daghan ang nakadayeg ni Michael V dihang boluntaryo kining ni-undang sa iyang mga bulohaton pila ka semana ang nilabay dihang nasuta nga positive siya sa Covid-19.

Nisakripisyo si Michael aron lang makatabang nga di mokaylap ang sakit. Maka-afford si Michael nga di motrabaho kay sapi-an man kini.

* * *

May nilaban ug may nikontra ni Aljur Abrenica dihang namahayag kini sa iyang suporta sa ABS-CBN apan nibalibad kini nga mag-apil-apil sa mga protesta ug laing paningkamot kay katungod na kuno kini sa network.

Usa sa dako og posisyon sa network nikomento nga ‘Di ka na nga magaling, sana nagmabuting tao ka na lang.’ Aray!

Kining maong hitabo nakahatag og gibug-aton sa linya nga nag-ingon nga bulawanon ang pagpakahilom.

* * *

Daghan ang naluoy sa dihang nakita nga nag-istambay sa daplin sa dalan ang nailang kontrabida sa mga pelikula ug programa sa telebisyon nga si John Regalaf ug nagkinahanglan og tabang.

Syempre, ni-aksyon dayon ang mga higala niining artista ug mga taga media aron matabangan ang aktor.

Pila niini mao ang usa sa Tulfo brothers, Rez Cortes, Vic Sotto, mga artista sa “Ang Probinsyano”, Julius Babao, Chuckie Dreyfuss, Nadia Montenegro, Lisa Dino-Seguerra ug uban pa. Molugwa gyud ang pagkamatinabangon sa tawo kon kinahanglanon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph