LTO 7 moayuda sa kabus sa pagkuha'g lisensiya

TABANGAN sa Land Transportation Office (LTO) 7 ang mga individual nga walay sarang ikabayad sa mga driving school nga nagtanyag sa maong serbisyo sa dili makakuha og student permit ug driver’s license.

Si RD Victor Caindec nilusad sa Driver’s Educational Center (DEC) para maoy kadangpan sa mga kabus nga walay ikabayad pagtuon sa pagmaneho aron makabaton og lesensiya.

Ang maong programa gihulagway ni Caindec mga ‘malakasakit’ kansang buhatan nitamod sa programa ni Senator Bong Go para paghatag og tabang sa mga pobre.

“If there is what we call a private driving school, this is (also) considered as a public driving school that will help those who cannot afford to enroll in a private driving school. With our own DEC, they can still get their license and be certified in our backyard,” padayag ni Caindec.

Base sa record, adunay 23 ka driving school ang Central Visayas nga akreditado sa LTO-7 diin mahimong mo-enroll ang gustong makabaton og stundent permit, driver’s license ug kadtong modugang og restriction code sa ilang lisensiya.

Ang DEC nga gidumala sa LTO 7 makaatiman og 10 ka aplikante kada sisyon gumikan sa social distancing.

Ang mokuha og student permit, mopailawom sa 15 ka oras nga theoritical driving course samtang ang mokuha og non-professional ug professional driver’s license kinahanglan nga mokua og practical driving course.

Ang mga aplikante nga madawat kinsa kabos sa tanang kabos igo lang mobayad og P300 para sila makapahimulos sa programa sa LTO itandi sa libuan nga magasto sa private driving school.

Si Caindec nagkanayon nga naghuwat pa sila sa general guidelines gikan sa central office sa dili pa sila mosugod sa pagbansay. (PAC)