SUPERBALITA CEBU

500 ka pulis sa CV gibansay kabahin sa contact tracing

MOKABAT sa 400 ngadto sa 500 ka police personnel sa ug medical practitioners sa Central Visayas (CV) ang gikatakda nga motapos sa ilang pagtuon pinaagi sa online bahin sa contact tracing course sa coronavirus disease 2019 (Covid-19) gikan sa John Hopkins University (JHU) sa Estados Unidos.

Ang contact tracing nasuta na usa sa labing epektibo sa pagkontrolar sa pagkuyanap sa virus ug pagpatul-id sa kurba sa kaso sa Covid-19 sa usa ka dapit o nasod.

Dugang sa taho gikan sa POlice Regional Office (PRO) 7, dunay pasiunang 250 ka personnel ang nakatapos sa kurso ug nagsugod na sa ilang tahas pagsubay sa mga tawong nakahalubilo sa mga tawo nga positibo sa Covid-19.

Matod ni Police Brigadier General Albert Ignatius Ferrom, direktor sa PRO 7, nga tungod sa ilang kahibawo gikan sa mga batid sa gawas sa nasud, palapdan pa nila ang ilang contact tracing pinaagi sa pagbansay usab sa ubang mga pulis sa matag siyudad ug lungsod, lakip na ang kabarangayan.

Aduna na silay gilusad nga pagpang-apud-apod sa manual sa kabarangayan nga magamit nila usab sa ilang contact tracing.

“Those that have graduated from John Hopkins University online contact tracing course will cascade and use our manual, a combination of all the school of thoughts like John Hopkins, (lessons from) General Magalong (mayor sa Baguio City), DOH epidemiological analysis process and the other best practices in the different parst of the world,” matod Ferro.

Pasabot sa heneral nga ang gitudlo sa John Hopkins University modugang sa kahibawo sa mga personnel kung unsay labing epektibo ug sayon nga pamaagi sa contact tracing.

Adunay susama nga paamagi sa gitudlo ni Baguio City Mayor Benjamin Magalong ug ang nakalahi lang gisunod niini ang artificial intelligence sa PNP apan ilang kuhaon ang labing epektibo nga pamaagi sa duha ka mga habig.

“Theres a big similarity but you know we need to get the best of all the practices that had been on both ends,” dugang ni Ferro.

Ang gitudlo sa John Hopkins University adunay lima lamang ka modules nga gihulagway ni Ferro nga sayon nga sundon ug ang gihimong praktis sa dakbayan sa Baguio ila usab nga himuon dinhi sa rehiyon. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph