ANG mga taxi driver gitambagan sa pagkuha og identification (ID) card sa Cebu City Traffic Operations Management (Citom) gikan sa Cebu City Transportation Office (CCTO) sa di pa mo-operate.
Mga drayber gikinahanglan nga mopakita sa photocopy sa ilang driver’s license ug daan nga Citom ID kon naa pa sila niini.
Ang CCTO nimando sa mga driver sa pagkuha og priority number gikan sa guard sa CCTO aron ma-schedule ang pagkuha sa ID.
Sa usa ka Facebook post sa CCTO, ang buhatan makapasud lang og 100 ka mga driver matag adlaw, busa gikinahanglan ang schedule.
Ang pangu sa CCTO, Alma Casimero, niingon nga ilang gimandoan ang mga driver sa pagkuha og Citom ID kay gimbut-an kini sa City Ordiance 1605 nga napasar niadto pang 1996.
Ang ordinansa nagmando sa tanang mga driver sa pampublikong mga sakyanan sa pagbitay aron makita ang ilang plate numbers ug ilang mga ngan sa ilang mga ID.
“For the purpose nga ang passenger makaila siya sa identity sa driver nga iyang gisakyan,” pagpasabot ni Casimero. / JJL
Sukad sa Agusto 3, 2020, ang CCTO nakaisyu na og mga 150 ka Citom ID.
Matod ni Casimero nga dunay naghuwat nga silot sa mga taxi driver nga mapakyas sa pagkuha og Citom ID.
Sa usa ka artikulo nga gimantala sa Sunstar Cebu niadtong 2015, ang mga makalapas pamultahon og labing minos P1,000 apan di molapas sa P3,000 o pagkbilanggo og di mominos usa ka buwan apan di molapas og unom ka buwan suma sa pagbuot sa korte.