SUPERBALITA DAVAO

Talento: On cancer

Panglantaw

OPPPZZZZ, ayaw kahadlok sa titulo kay atong pagahisgutan reyalidad dinhi sa kalibutan. Mas maayo nga lawman ang kahibalo ug dawaton ang gitagana sa Ginoo alang kanato. Amen? Helloooooo!

Basig moingon mo nga buotan ko kay walay artikulo nga akong sinuwat nga wala naapil ang Ginoo; dili baya. Mangtas pod kaayo ko unya dili buotan apan nasayod ako nga ang Diyos grasyoso ug labawng nakasabot sa kinaiya ug mga tinguha nako. Ang Diyos na ang mohukom sa akong batasan ug binuhatan, igsuon. Dili ikaw o akong mga kabanayg silingan.

Anaa sa kaliwat sa akong amahan ang sakit nga kanser. Ang akong Lola Luz (mama sa akong papa), breast cancer ang gikamatay.

Gikahadlokan ang kanser kay dili kini mopili og edad, estado sa kinabuhi, gender ug uban pa. Bisan kinsa pwedeng maigo niining sakita.

Sa pagkatinuod, wala kaayo ko naghunahuna og kanser kay syempre ang kabaskug sa kalawasan man gayud ang atong ginapaningkamotan ilabi na nga kita nagkaedaran.

Naa na syempre apil sa atong plano ang paglutog mga masustansyang pagkaon ug pag ehersisyo, igsuon kay lagi daghan na pod ang ginabatyag sa kalawasan sama sa ngulngol nga kabukugan, hypertension, pagtaas sa sugar level, cholesterol ug uban.

Ang akong magulang nga si Sheila ang kinaon matag-adlaw prutas ug gulas kasagaran. Syempre mokaon panagsag mga karne ug rice kung mingawon apan 80 porsiyento sa iyang kinaon- presko ug masustansya.

Halos matag-adlaw ang iyang exercise busa gikan 76 kilos nga timbang kaniadto -- 63 na lang. Ningnindot pod ang iyang panagway ug pamanit kay kumpleto sa vitamins ug pabeauty busa walay health concerns, mare.

Healthy lifestyle as in healthy living gayud akong sister apan katong July 9 sa kasamtangang tuig, ningrupture kon mibuto iyang appendix busa gidali siyag opera. Laparoscopic appendectomy ang tawag sa procedure.

Grasya sa Ginoo, nahumang malampuson ang iyang operasyon luyo sa pisikal nga sakit nga iyang gibati before ug after sa operasyon. Apan... wala pa diay didto nahuman kay ang nakuhang ispesimen gikan sa gitanggal nga appendix -- nagtapot ang kanser.

Yes, kanser gayud. Dugay na sa iyang lawas ang kanser apan walay sintomas o indikasyon. Kanser nga nagpahipi sa iyang appendix, igsuon bisan healthy iyang pamuyo ug kinaon. Dili gud unta ko motuo pan naa man ang resulta sa laboratoryo.

Sa maong sitwasyon, gipasidunggan gayud nako ang Ginoo, igsuon kay ang kanser ningtapot sa appendix natanggal na tungod sa operasyon. Kung buot sumahon, kung walay kumplikasyon sa appendix, dili masayran nga diay kanser akong ate.

Sa kinabuhi, morag moreklamo kita sa mga problema nga atong ginaatubang. Tuod, dili gayud lalim apan sama sa pamaagi sa Diyos, dili na seryoso ang kahimtang sa akong igsuon kay natangtang na ang kanser sa iyang kalwasan.

Sakit ang operasyon, pero mas makaguol nga ulahi na mahibaluan nga adunay seryosong problema ang atong kalawasan, right? Kabalo gayud si Lord unsay labawng makaayo kanato no?

Pangit nga maoperahan kay gawas nga sakit -- gasto pod kini pero mas pait nga maabot nag adlaw nga kuhaon sa kanser ang kinabuhi nato.

Bitaw, si Lord ra man makabuot kung hangtod kanus-a ta mabuhi apan mas mapasalamaton ang akong pamilya nga bisan naay nawala nga parte sa lawas sa akong igsuon, mas nindot na ang iyang kundisyon karon. Gani back to work na siya pinaagi gayud tanan sa Ginoo ug sa Iyang dili matukib nga grasya- hallelujah!!!

Bantog ra ang Bibliya nagakanayon nga, "give thanks in everything" kay bisan anaay suffering; duna poy kamot sa Diyos nga magaplastar sa tanan. Amen?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph