Anak gikonsumo sa amahan

Hulagway gikan sa Tugbok Police Station
Hulagway gikan sa Tugbok Police Station

DUHA ka mga ihap sa kasong lugos ang atubangon sa usa ka mismong amahan human iyang gilugos ang iyang kaugalingong 12 anyos nga anak.

Gisikop sa kapulisan sa Tugbok Police Station ang 38 anyos nga suspek (ngan gipugngan aron pagprotekta sa biktima) kinsa residente sa Barangay Los Amigos, Tugbok District, Dakbayan sa Davao.

Sumala sa report nga human sa panghitabo, milayas ang suspek diin didto kini mipuyo sa Marilog District sud sa pipila ka bulan apan niadtong Huwebes, mibalik kini sa Los Amigos, hinungdan nga gisilbi ang warrant of arrest batok sa suspek.

Ang station commander sa Tugbok Police Station nga si Police Major Ricky Obenza maoy nangulo sa pagsilbi sa warrant sa suspek nga dunay duha ka ihap sa qualified rape through sexual assault ug two counts sa sexual abuse in relation sa Republic Act 7610 nga gipagula ni Judge Glenn De Castro Aquino sa Branch 8.

Una niini, ang biktima nga 12 anyos nangayo og pakitabang sa iyang apuhan ug gilayon nilang gisumbong sa City Social Welfare and Development Office.

Ning kasamtangan, ang suspek gibalhog sa selda sa Tugbok Police Station kinsa naghulat sa sunod mando sa korte labot sa iyang kaso.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph