NAKATALA og lima ka mga bag-ong kaso sa coronavirus disease (Covid-19) ang Cagayan de Oro human nagpositibo ang resulta sa swab test sa upat ka mga locally stranded individuals (LSIs) ug usa ka returning overseas Filipino workers (ROFs).
Sa pagkakaron, anaa na sa 175 ang kinatibuk-ang ihap sa kumpirmadong kaso sa Covid-19 sa dakbayan.
Matud ni City Health Office Epidemiologist Dr. Joselito Retuya, ang tanan nga mga bag-ong mga pasyente nga nagpositibo sa Covid-19 nagpabilin sa Temporary Treatment and Monitoring Facility.
Ang ika-171 nga kaso usa ka 28-anyos nga babaye nga LSI gikan sa Quezon City ug residente sa Barangay Lapasan. Miabot siya sa Cagayan de Oro Hulyo 31 sakay sa eroplano ug gi-swab Agosto 5. Ang resulta migawas nga positibo Agosto 6.
Ang babae asymptomatic ug wala’y comorbidity.
Ang ika-172 nga kaso usa ka 29-anyos nga lalaki nga LSI gikan sa Dasmariñas, Cavite ug residente sa Barangay Agusan. Miabot siya sa Cagayan de Oro Hulyo 30 pinaagi sa eroplano.
Ang lalaki gi-swab Agosto 5 ug ang resulta migawas nga positibo Agosto 6. Siya usa ka asymptomatic patient ug wala’y comorbidity.
Ang ika-173 nga kaso usa ka 30-anyos nga lalaki nga LSI gikan sa Dasmariñas, Cavite ug residente sa Barangay Tablon. Miagi siya sa usa ka rapid diagnostic test Hulyo 24 ug negatibo ang resulta.
Ang lalaki miabot sa Cagayan de Oro Hulyo 30 pinaagi sa eroplano. Gi-swab siya Agosto 5 ug ang resulta migawas nga positibo Agosto 6.
Siya asymptomatic ug wala’y comorbidity.
Ang ika-174 nga kaso usa ka 46-anyos nga lalaki nga ROF nga gikan sa China ug residente sa Barangay Macasandig. Miabot siya sa Manila pinaagi sa pagbiyahe sa dagat kaniadtong Hulyo 18.
Matud ni Retuya nga nagpuyo ang lalaki sa usa ka hotel sa Makati. Gi-swab siya Hulyo 19 ug ang resulta migawas nga negatibo Hulyo 21.
Miabot siya sa Cagayan de Oro pinaagi sa eroplano Hulyo 30 ug gi-swab Agosto 5. Ang resulta miresulta nga positibo Agosto 6.
Siya asymptomatic ug wala’y comorbidity. Ang City Health Office naka-identify og tulo ka close contacts sa lalaki.
Ang ika-175 nga kaso usa ka 22-anyos nga lalaki nga LSI gikan sa Malabon ug residente sa Barangay Kauswagan. Miagi siya sa usa ka rapid diagnostic test sa Manila Hulyo 23 ug negatibo ang resulta.
Miabot siya sa Cagayan de Oro pinaagi sa eroplano Hulyo 31. Siya gi-swab Agosto 5 ug ang resulta migawas nga positibo Agosto 6.
Ang lalaki asymptomatic ug wala'y comorbidity.
Sa pagkakaron, ang Cagayan de Oro adunay 55 nga mga active cases, diin lima niini ang mga outpatients ug 50 ang mga ROFs/LSIs.