Human ni gymnast Caloy Yulo, laing dekalidad nga atleta sa Pilipinas ang gitunolan og pinansyal nga suporta sa MVP Sports Foundation (MVPSF) alang sa tinguha niining makaangkon sa maidlas nga gold medal sa 2021 Tokyo Olympics.
Gitumbok mao si weightlifter Hidilyn Diaz, kinsa gihatagan og P1.5 million sa MVPSF alang sa tanan niyang panginahanglanon sa iyang preparasyon alang sa matag upat ka mga tuig nga kompetisyon.
Si Diaz, 29, nakalabni og silver medal sa 2016 Rio Olympics. Sulod na sab sa lima ka mga buwan nga nag-training si Diaz sa Malaysia.
Nagdugay si Diaz sa Malaysia gumikan sa travel restrictions nga gipatuman tungod sa pagkuyanap sa coronavirus disease 2019 (Covid-19). / ESL