Si Presidente Rodrigo Duterte nimando sa Department of Justice (DOJ) sa paghulma og task force nga moimbestigar sa giingong mga anomaliya sa Philippine Health Insurance Corp. (PhilHealth).
“In-address po kay Secretary Menardo Guevarra ng Department of Justice na bumuo po ng task force para po imbestigahan ang mga anomaliya rito sa PhilHealth,” matod ni Presidential Spokesperson Harry Roque sa usa ka public briefing sa Biyernes, Agusto 7, 2020.
Si Roque niingon nga ang task force moimbestigar, mopahigayon og lifestyle check, mokiha, mosuspenso ug mopabilanggo sa mga kawatan sa korporasyon nga gipanag-iya ug gikontrolar sa kagamhanan.
Duna usab kini gahom sa pagpahamtang og preventive suspension, nga wa sa Kongreso.
“Dati po paulit-ulit nag-iimbestiga ang Kamara at Senado wala pong nangyayari kasi wala pong kapangyarihan ng preventive suspension,” siya niingon.
“So mga kababayan, huwag po kayong magalala, nakinig po ang ating Presidente at umakto, bagama’t wala pa pong napapatunayan, sa lalong mabilis na panahon, mayroon naman pong preverntive suspension na mapangalagaan ang kaban ng PhilHealth,” dugang ni Roque.
Matod ni Roque nga ang Presidente gusto og prubya sa di pa siya mopalagpot ni bisan kinsa sa mao nga ahensya.
Ang task force langkuban sa mga representante gikan sa Ombudsman, Commission on Audit (COA), Civil Service Commission (CSC), Office of the Executive Secretary ug Presidential Anti-Corruption Commission (PACC) Undersecretary Jesus Melchor Quitain.
“Ayon po sa memorandum ng ating Presidente, na kaka-issue ngayon lang po, kinakailangan pong bumuo ng task force para po mag-imbestiga, maglitis, mag-suspend, mag-conduct ng lifestyle check at ipakulong ang lahat ng magnanakaw diyan sa PhilHealth,” siya niingon.
Sa usa ka interview sa sibyaanan sa radyo, si PACC Commissioner Greco Belgica nibutyag nga niduso na siya sa pasiunang nakaplagan sa commission sa giingong mga anomaliya sa ahensya.
Siya niingon nga labing minos 36 ka mga opisyal sa Philhealth, nga wa niya nganli, kinahanglan i-dismiss o ikiha tungod sa giingong pagpaburot sa claims sa pipila ka mga ospital.
“We initially submitted 31 names. Now, we have an additional five names, so it’s now 36,” matod ni Belgica.
Mga imbestigasyon sa lapad nga kurapsyon sa Philhealth gipahigayon sa duha ka mga balay balauranan.
Sa Senate hearing sa Agusto 4, si kanhi PhilHealth employee Thorrsson Montes Keith nipasangil nga ang mga opisyal sa PhilHealth nakakawkaw og P15 bilyunes pinaagi sa mga pagpanglimbong. / SunStar Philippines