Tungod sa kakuwang sa mga tawo, ang Cebu City Environment and Natural Resources Office (Cenro) napakyas sa regular nga pagpanglimpyo sa Tejero Creek ug ubang mga sapa sa siyudad.
Tungod sa uwan niadtong Agusto 6, 2020, ang Tejero Creek gikataho nga nisuyla.
Si Cenro head Editha Peros niingon nga duna untay regular nga pagpanglimpyo sa kasapaan nga naa sa siyudad, apan tungod sa coronavirus disease, diin ang mga staff sa Cenro gipamutang sa command center sa Siyudad, ang pagpanglimpyo naapektuhan.
Si Cebu City Mayor Edgardo Labella niingon nga ang Siyudad gitakdang mopatuman og binilyon nga balor sa drainage plan project aron pagtubag sa kanunay nga pagbaha sa siyudad kon mag-uwan.
Si Labella niingon nga kini ubos sa pakigtambayayong tali sa Department of Public Works and Highways (DPWH).
Si Cebu City Engineer Kenneth Carmelita Enriquez niingon nga ang P1.3 billion drainage project alang pa sa procurement. / JJL