Mi isyu si Mayor Edgar Labella sa Executive Order (EO) 086 series of 2020 nga nag deklarara sa General Community Quarantine(GCQ) sa siyudad sa Sugbo sugod niadtong Agusto 1 hangtod 15.
Ang Dept og Health (DOH) mitaho nga subra 56 na ka mil ang aktibong nataptan sa Covid 19 unya dul-an 2 mil ini ang nangamatay sa tibuok nasod. Maynalang gani kay subra katunga ini ang nanga-ayo na.
Unsa ra may pwede?
Mahimo ng makadagan ang mga pampublikong mga sakyanan (jeepneys, V-hires, taxis, buses lakip Grab) basta estriktong ipasunod ang social distancing. Ang tanang pribadong mga sakyan mahimo na sang makadagan pagbalik basta mosunod lang gihapon sa number coding.
Makagawas-gawas na sab sa balay ang nag edad og 18 pataas hangtod 60 anyos apan gipadayon ang curfew gikan alas 10 sa gabii hangtod alas 5 sa buntag.
Gipang-abrehan na sab balik ang mga trabahoan og mga negosyo para makatrabaho pagbalik ang mga mamumuo.
Mahimo na sang makasuroy o duwa sa gawas (jogging, swimming, biking) basta di lang gihapon magpaduol sa usag-usa.
Makabaligya ug makapalit na sab og ilimnong makahubog.
Unsa man say padayong ginadili?
Ang mga mabdos, masakiton og nagpangidaron og ubos sa 18 anyos ug subra 60, di pa gihapon mahimong makagawas-gawas.
Serado pa gihapon ang mga gyms, sports facilities, sinehan, Karaoke bars, internet cafés, libraries, og amusement centers.Ginadili pa sab ang mga serbisyo nga personal care sama sa facial, massage o sauna apil ang pag-inum sa publiko.
Hangtod karon gidid-an sab ang pag biyahe , bisita o lulinghayaw sa mga tourist spots lakip mga beaches. Ang pag pundok-pundok sama sa meeting o pag-apil sa misa, parties, o convention gidili sab.
Ang kadtong wa manrabaho nagkinahanglan pa gihapon og Quarantine Pass unya ang pagsul-ob sa masks mandatory, tanan way gipili.
Padayon pa gihapon ang pag implementar sa border control ug checkpoints. Kini tanan gibuhat para sa atong kaayuhan. Nanghinaot ko nga unta moko-operar ang tanan.