1,400 kapin nakapahimus sa drive-thru Covid test

Liboan na ka mga tawo ang nakapahimulos sa drive-thru ug walk-thru free swab testing nga gi-offer sa Vicente Sotto Memorial Medical Center sa publiko.

Sukad nagsugod kini niadtong Hulyo 24, anaa na sa 1,482 ang nakapahimulos niini sa drive-thru ug walk-thru.

Matod ni Rey Cris Panugaling, pangu sa Information, Communications, and Strategy Management sa VSMMC, nga sa maong gidaghanon, 356 ka kliyente niini ang drive-thru samtang 229 ang sa walk-thru, gikan sa Hulyo 27 hangtod Agusto 5.

Gibutyag ni Panugaling nga 99 ang nakapahimulos sa maong libreng serbisyo niadtong unang adlaw, Hulyo 24, apan wa pa’y breakdown niini.

Ang 789, mao ang healthcare workers sa VSMMC nga mipaubos sa testing pinaagi usab sa walk-thru sytem.

“We have a program that all our HCWs are swabbed on a given schedule. Part of expanded testing,” si Panugaling nagkanayon kabahin sa Expanded Testing Guidelines sa DOH Memorandum 2020-0258-A.

Usa sa rason nga minus ang nagpa-swab tungod kay daghan ang wala mitunga nga nagparehistro. “The reason is registrants do not come to their schedule.”

Gikan sa 10 matag oras nga ilang maserbisyohan sa drive-thru, gi-extend kini nila ngadto sa 20 matag oras samtang ang 20 matag oras sa walk-thru, anaa na sa 30 ka kliyente matag oras.

Nagpabilin nga anaa sa alas 9 sa buntag hangtod alas 3 sa hapon ang libreng serbisyo.

Niabot na usab sa 3,368 ka mga tawo ang natala sa sistema sa VSMMC nga mi-rehistro nga gusto mopahimulos niini.

Mao kini ang labing una nga drive-thru ug walk-thru swabbing sa reverse transcription polymerase chain reaction (rt-PCR) test gawas sa Metro Manila. / HBL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph