Editoryal: Andam nang mga simbahan

(Editorial Cartoon by John Gilbert Manantan)
(Editorial Cartoon by John Gilbert Manantan)

DIHANG gipaubos na ang Cebu City sa modified enhanced community quarantine (MECQ), nimando si Mayor Edgardo Labella sa pagbukas sa malls. Apan kinahanglan nga mosunod sila sa mga health protocol nga gilatid sa Inter-Agency Task Force. Tumong sa lakang mao ang hinayhinay nga pagpabangon sa ekonomiya nga naapektuhan og maayo sa mga lockdown tungod sa coronavirus disease 2019 (Covid-19).

Mas gipadaghan pa ang mga establisemento nga gibuksan dihang ubos na sa general community quarantine (GCQ) ang Cebu City.

Kon nagkamang ang ekonomiya, ang espiritu sa katawhan giuhaw usab sa pagsimba. Di baya ikapanghimakak nga daghan ang gusto nang mosimba human sa pagsira sa mga simbahan sukad pa niadtong Marso. Ambot nganong dali nga nakabukas sa malls ang kagamhanan, apan dugay makapaabli sa mga simbahan.

Ang Archdiocese sa Cebu dugay nang nakapangandam sa pagbukas sa simbahan sa mga manimbahay. Matag simbahan duna nay infrared thermometer sa pagsusi sa temperature sa lawas sa manimbahay.

Wa usay pasudlon sa simbahan nga di magsul-ob og face mask. Unya pirme ipasul-ob ang face mask. Gawas ini, duna nay mga directional signs ang matag simbahan kon asa moagi sa sud. Naa usab silay signs sa matag lingkuranan nga maoy sundon sa manimbabay. Alang ni sa social distancing.

Kini nga mga health protocol una nang gipatuman sa Archdiocese dihang ubos ang Cebu City sa GCQ niadtong Hunyo.

Maayo na lang kay giuyonan sa IATF ang hangyo sa mayor nga patatumbungan ang mga misa kay kon andam ang malls, labaw nang mga simbahan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph