SUPERBALITA DAVAO

Baboy dili palutson

SunStar file

BANSALAN, Davao del Sur -- Nagpagawas og Executive Order (EO) ang lokal nga gobyerno sa lungsod ug hugot nga gipatuman ang "no movement" sa tanang baboy sa 25 ka mga barangay.

Sa gipaguwang mando ni Mayor Quirina Sarte niadtong Biyernes, Agosto 7, temporaryong suspendido ang operasyon sa slaughterhouse mao nga sa Dakbayan sa Digos una mamalit og mga baboy ang mga meat vendor.

Gibutyag sab ni Sarte nga mokabat sa kapin 700 ka mga baboy gikan sa Barangay New Clarin ang gipangpatay unya gipanglubong gamit ang backhoe sa munisipyo human nakitaan og sintomas sa African Swine Fever (ASF).

Tungod niini, gimandoan sa mayor ang tanang barangay kapitan nga undangon una ang pag-isyu og sertipikasyon alang sa pagbiyahe sa mga baboy.

Nanukad ang mando sa mayor human nagpagawas og rekomendasyon si Dr. Russel Celis, provincial veterinary officer, nga ipaundang ang operasyon sa slaughterhouse sa lugar.

Mga meat vendor gidid-an nga moihaw og mga baboy sud sa lungsod ug kinahanglan nga didto sila mamalit ug magpaihaw sa ilang baboy sa dakbayan sa Digos.

Gihimo ang maong lakang aron malikayan ang pagkuyanap pa sa ASF human migawas ang resulta sa eksaminasyon nga positibo sa ASF ang mga baboy nga nakuhaan og mga samples.

Nahitabo kini human nagkasabot ang tanang meat vendors, matadero, ahente ug mga nagbaboyan nga magtinabangay sa pagsumpo sa ASF.

Sa direktiba sa mayor, gikinahangaln nga moabot sa 500 meters radius ang mga baboy nga puwede ihawon.

Pagahimuon sab ang disinfection sa slaughterhouse matag karon ug unya samtang giundang ang operasyon sud sa 15 ka adlaw ug hayan molungtad sa 60 ka adlaw kon di mokooperar ang katawhan.

Samtang, hugot nga gidid-an ang mga nagbaboyan nga mag-ihaw og baboy sa ilang kabalayan ug gitahasan ang mga opisyal sa barangay nga hugot kining bantayan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph