HUMAN nagwala ang usa ka ostrich sa Quezon, baktin sa Banilad ug baka sa Iloilo, duna say mga flying dragon sa Pasig ang nasigpatan sa aktor nga si KC Montero nga iyang gi-post sa social media.
Apan bisan ang ubang mga nasud aduna sad silay ilang version ani didto.
Sama sa Australia niadtong Mayo nga dunay mga kangaroo nga nagsuroysuroy sa ilang siyudad, mga usa (deer) sa Japan, penguin sa Africa, sealion sa Ecuador ug uban pa.
Tungod kay naka-lockdown ang mga siyudad nakalugar ang mga mananap maglakwatsa. “When the cat is away, the mouse will play.”
Apan nasayud ba mo kon unsang nasora sa kalibutan ang pinakaluwas puy-an karon ning panahon sa Covid?
Base sa usa ka research company nga Deep Knowledge Analytics, ang Switzerland ang pinakaluwas puy-an ning panahon sa pandemya. Gamay ra sila og population didto (8.57 million as of 2019) ug maayo ang ilang health care system.
Ang taho sa New Ranking nagkanayon nga daghan karong gusto adto na mobalhin og puyo ug grabe ang pagsaka sa application nga nadawat sa ilang Swiss Statistics Office.
Ang Switzerland mao sad ang 3rd least corrupt in the world sa 2018 Transparency International.
Kita dire sa Pilipinas overpopulated na daghan pa gyung corrupt. Gipun-an pa sa mga polisiyang bulay-og. Unya kinsa may atong basulon ani? Kinsay pa man diay? Alangan man sag si Robredo. Ay ambot!
WINSET JAKOT
Dunay bag-ong single karon ang multi-awarded singer-songwriter nga si Winset Jacot nga giulohan og “I Still Do.”
Lahi ni sa iyang hit signature song niadto nga “Gugma Pa More,” nga nahimo pang anthem sa MOR stations.
Ang “I Still Do” ang usa sa mga komposisyon ni Winset dihang nagsugod pa lang siya isip homegrown artist sa Cagayan de Oro nga maoy naka-inspire sa iyang producer nga si Mitch Tabor aron i-record ang iyang original sound.
Ang “I Still Do” mahimo nang ma-download sa iTunes ug Spotify ug naa sad ni sa YouTube courtesy sa Viva Records.