GISUGDAN na og apud-apod sa Mandaue City Business Permit and Licensing Office (BPLO) sukad sa miaging semana ang mga special permit to operate (SPO) ngadto sa mga fitness gym, personal care ug aesthetic establishments, testing o tutorial centers, internet cafes, drive-in cinema, ug pet grooming services.
Dunay 21 nga rehistradong fitness gym sa dakbayan apan usa pa ang mi-apply og SPO.
Sa computer shop o internet cafes, gawas sa 60 ka mga narehistro, pito ra nga nag-aplay og SPO.
Gitugotan kini nga establisemento nga moabli apan 30 porsiyento lang ang kapasidad, sumala ni Atty. August Lizer Malate, ang pangulo sa BPLO. / KFD