SUPERBALITA CEBU

DepEd 7 85% nang andam sa klase

ANAA na sa 85 porsyento nga andam ang Department of Education (DepEd) 7 alang sa pagbukas sa klase karong Agusto 24.

Mao kini ang gibutyag ni DepEd 7 Regional Director Salustiano Jimenez base sa mga report nga iyang nadawat sa division offices sa rehiyon.

Si DepEd Secretary Leonor Briones nipahibawo usab nga dayunon na ang pagbukas sa mga klase sa Agusto 24 kay sa Southeast Asia, ang Pilipinas ug Cambodia na lang ang wa makabukas sa klase.

Base sa balaud, ang mao nga petsa maoy katapusan alang sa pagbukas sa klase, dugang ni Briones.

Samtang gidasig ni Jimenez ang mga ginikanan ug tinun-an nga mag-uniform kon online ang paagi sa klase niini.

Matod ni Jimenez nga andam na ang ilang 19 ka divisions sa DepEd 7 alang sa pagbukas sa klase bisan sa nagpadayon nga hulga sa Covid-19.

“We can assure that we can deliver on August 24 based on the report of the superintendents and assistant superintendents during the regional mancom (Management Committee) last Thursday,” si

Jimenez nagkanayon.

Gibutyag usab sa direktor nga Agusto 20 ug 21 sila manghatag sa modules ngadto sa purok leaders aron maoy motunol kini sa mga tinun-an o sa ginikanan sa mga tinun-an.

Gipasalig usab ni Jimenez nga i-disinfect daan ang modules sa di pa ihatag sa mga tinun-an.

Si Jimenez nagkanayon nga nahuman na nila og print ang modules alang sa mga tinun-an sa pampubliko nga tunghaan.

Alang usab sa mga tunghaan nga gigamit isip Barangay Isolation Centers, kutob nalang sa Agusto 15 gamiton base na usab sa resolution sa Regional Inter-Agency Task Force ug ipaubos na sa disinfection aron magamit sa mga magtutudlo.

Nasayran nga sa kapin 4,000 ka mga tunghaan sa Central Visayas anaa lang sa 600-700 ang gigamit isip isolation centers lukop rehiyon.

Si Jimenez mibutyag nga dili 100 percent nga nagamit usab ang maong mga tunghaan.

Adunay tunghaan nga anaa lang sa 11 percent ang nagamit ug niabot lang sa 60 porsyento ang labing taas nga kapasidad nga nagamit.

Samtang midasig hinuon si Jimenez sa mga tinun-an nga mag-uniform gihapon bisan og online ra ang klase niini.

Si Jimenez mihulagway nga paglikay kini unya sa bullying nga possibleng mahitabo bisan og online na ang ubang klase.

Aron usab nga magpabilin nga school set-up ang ma-feel sa mga tinun-an bisan og naa sila sa balay.

Hinuon dili kini mandatory apan gi-encourage lang niya aron limpyo tan-awon ang bata.

MADAYON GYUD

Subling gitataw ni Briones nga magsugod ang mga klase sa Agusto 24, 2020 nga way face-to-face nga klase, bisan sa mga panawagan nga langayon ang pagbukas sa tuig tigtungha 2020-2021.

Sa usa ka virtual press conference sa Lunes, Agusto 10, sa mga pagpangandam nga gihimo sa Department of Education (DepEd), si Briones nibutyag nga ang Pilipinas ug Cambodia lang ang wa pa mobukas pagbalik sa mga klase sa Southeast Asia.

Siya niingon nga ang mga klase sa Vietnam ningbukas niadtong Mayo samtang sa Singapore nagsugod sa Hunyo. Sagad sa ubang mga nasod sa Southeast Asia nagsugod niadtong Hulyo.

Nipasabot si Briones nga ang Agusto 24 mao ang katapusang adlaw nga gitugot sa balaud sa pagbukas sa bag-ong tuig tigtungha sa nasod.

Di na kini iirog pa kay di sab kini face-to-face session, matod niya. / HBL, MVI sa Sunstar Philippines


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph