SUPERBALITA DAVAO

25 naospital sa diarrhea

Tampo nga hulagway

KIDAPAWAN CITY -- Sa balay tambalanan nitugpa ang 25 ka tawo sa giingong diarrhea outbreak sa Midsayap, North Cotabato.

Kini maoy gikompirma ni Kagawad Alladin Puntuan sa Barangay Nalin 2 sa maong lungsod.

Sumala pa nga kadaghanan sa mga biktima nakasinati og sobrang pagsakit sa tiyan, ulo, ug nagsuka-suka ug pagsupak-suka kasakit sa tiyan, ulo, nagsuka-suka ug nagkalibanga (loose bowel movement).

Mga biktima giingong pulos molupyo sa Purok 6 sa nahisgutang barangay.

Giklaro ni Puntuan nga gikan sa jetmatic pump o bomba sa tubig ang giinom ug gigamit sa pagluto sa mga molupyo sa maong dapit.

Dugang sa opisyal nga sa wala pa nadala sa ospital ang mga biktima, gibahaan ang ilang dapit ug posibleng midagayday ang hugaw gikan sa mga kasilyas paingon sa jetmatic pump diin duol sab kini sa ilang sementeryo.

Gikompirma sab ni Puntuan nga segun sa giluwatan sa mga doktor sa balay tambalanan nga gidalhan sa mga biktima, "amoebiasis" ang hinungdan o kontaminado sa hugaw nga tubig ang nainom sa mga biktima resulta nga sila gikalibanga ug nagsuka-suka.

Nagpadala na og mainom nga tubig si kanhi Cotabato 1st District Board Member Rolly Sacdalan sa mga molupyo sa Purok 6 aron nga malikay sila sa pag-inom og tubig gikan sa pump.

Nanawagan karon si Puntuan sa lokal nga panggamhanan sa Midsayap ug mga ahensiya sa gobyerno nga tabangan sila gumikan kadaghanan sa mga biktima mga pobre nga pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph