NANGANDOY si International Boxing Federation (IBF) super flyweight champion Filipino Jerwin Ancajas nga makasagubang og unification bout sa umaabot.
Tungod niini, naghinamhinam na si Ancajas nga sagubangon ang umaabot niyang depensa batok kang Jonathan Rodriguez karong Septiyembre, 2020 gumikan kay mao kini ang agianan paingon sa iyang pangadoy.
Kon modaog si Ancajas batok kang Rodriguez, nagplano si Top Rank boss Bob Arum nga iparang siya batok kang World Boxing Association (WBA) super flyweight king Joshua Franco.
Sa usa ka interbyu nga napatik sa www.gmanews.tv, nagknayon si Ancajas nga mahimo siyang undisputed champion sa iyang timbang.
Gitataw nga kon mahimo na siyang unified champion sa iyang kasamtangang timbang, hayan mosaka na siya sa bantamweight division. (ESL)