DEAR Papa Joe,
Ako diay si Jong, 50 anyos na ang panuigon. Usa ko ka biyudo pero may katipon ko nga mahal kaayo nako. Kutob sa maabot nako ako gipadama niya para di lang siya maglisod. Pero kon masayop na gani ko kay wa siya makauyon sa akong idea kay yawa yawaon na ko niya. Feeling nako wa ni siya mahigugma nako. Basin nakalitan lang ni siya sa among relasyon sa una nga bata pa mi kay banda man gud, maorag nadala sa akong kasikat. Pero karon nga guwang na, reyalidad, wa na siya malipay kay wa man koy dakong bahandi. Murag companionship nalang ni amo kay naa miy mga anak.
Gusto ta ko og nindot nga pamilya. Unsaon man ko ni? Palihug tambagi ko.
JONG
Jong,
Wa may perpektong pamilya siguro. Naa man gyud na ang mga bati nga side. Uwahi na sad kon magbuwagbuwag mo kay may edad na mo. Maayo unta magbuwag mo kay nagpatay na ba mo ron. Pero pangluod ug diskontento lang mo.
Karon kon siya moingon nga pahawa mo ug tan aw nimo lisud na, well tagai siguro og space. Basin pa og maglagyo mo, mausab inyong pagbati. Pero una sa tanan, huna-hunaa sa ang mga bata unsay makaayo nila. Lisud sad pugson ninyo nga magka okay mo unya magbuno lang mo. Samot disgrasya ana ug mangapuno inyong ulo ana.
PAPA JOE
(para sa inyong tampo ipadala lang sa papajoesuperb@gmail.com)