SI RUSSIAN President Vladimir Putin niingon nga ang coronavirus vaccine nga gigama sa iyang nasod narehistro na alang sa paggamit ug usa sa iyang mga anak nabakunahan na niini.
Sa usa ka pagpamulong sa panagtigom sa kagamhanan sa Martes, si Putin niingon nga ang bakuna namatud-an nga epektibo sa mga pagsuway, nagtanyag og immunity hangtod sa hangtod gikan sa coronavirus.
Gitataw ni Putin nga ang bakuna niagi sa gikinahanglang mga pagsuway.
Siya nidugang nga usa sa iyang duha ka mga anak nga babaye nabakunahan ug maayo ra ang panglawas.
Matod sa mga Ruso nga awtoridad nga unang pamakunahan mao ang mga trabahanteng medikal, magtutudlo ug ubang mga risgong grupo.
Ang Russia mao ang unang nasod nga nakarehistro og bakuna batok sa coronavirus. Daghan sa mga sayantipiko sa nasod ug abroad ang mapanagan-on, hinuon, mikwestyon sa hukom sa pagrehistro sa bakuna sa wa pa ang Phase 3 trials nga sagad molanat og mga buwan ug apilan sa liboan ka mga tawo. (AP)