SUPERBALITA CEBU

LTFRB uyon sa pagbukas sa Kamagayan v-hire terminal

UYON si LTFRB 7 Regional Director Eduardo Montealto Jr. sa plano ni Cebu City Mayor Edgardo Labella nga buksan ang v-hire terminal sa Barangay Kamagayan, Dakbayan sa Sugbo.

Matod ni Montealto, giapil sa Land Transportation Franchising and Regulatory Board sa ilang gihan-ay nga riota sa aprobadong public transport sa pagsugod sa general community quarantine (GCQ).

Dugang ni Montealto nga UV Express kining mga klase sa pampubliko nga sakyanan diin anaa lang sa pito ka mga pasahero ang pwede tungod sa physical distancing.

Usa ning ubos nga pletihan sa UV Express nga anaa sa P2 matag kilometro ang pletihan nga nakita ni Montealto nga rason nga di andam nga mopabiyahe sa ilang unit tungod sa kalimitado sa pasahero nga pwede.

Gawas sa special permit sa LTFRB, posible nga pangayoan usab og Provincial Public Utility Pass (PPUP) ang operators nga gikan sa Cebu Provincial Government.

Sa pagkakaron gawas sa mga sakyanan nga gi-provide sa mga kompanya, mamahimong mosakay og bus ang mga trabahante sa Cebu City sa terminal nga anaa sa Talisay City. Nasira ang v-hire sa Kamagayan niadtong Marso 2020 dihang unang gipagawas sa Cebu City sa GCQ.

Ubos sa enhanced community quarantine (ECQ) way public utility vehicle (PUV) ang gitugotan.

Naa sa GCQ ang Cebu City hangtod Agusto 15.

Giplano na ni Labella nga buksan pagbalik ang v-hire terminal sa Barangay Kamagayan aron aduna’y daghang kapilian ang riding public karon nga hinay-hinay na nga nahibalik ang pampubliko nga mga sakyanan.

Si Labella nagplano nga unang 20 ka v-hires ang tugotan nga makagamit sa terminal diin anaa kini biyahe gikan sa probinsiya sa Sugbo.

“Under our current set-up, hinay hinay lang ta. Let’s not make it abrupt,” si Labella nagkanayon.

Dugang niya nga anaa na sa GCQ ang dakbayan sa Sugbo hinungdan nga kinahanglan nga tun-an pag-ayo ang desisyon sa Siyudad.

Si Labella nagkanayon nga hugot nga health measures ang ipatuman sa maong terminal aron luwas ang tanang mga sumasakay niini.

Moagi gihapon og temperature check pinaagi sa thermal scanner ang mga pasahero nga mosulod ug gawas sa terminal.

Lakip kini sa requirement sa LTFRB nga mamahimo ra nga makaakomodar hangtod 50 percent nga kapasidad ang v-hire sa seating capacity niini. (HBL, JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph