Ambulance driver suportahan ni Mayor Frasco

Liloan Mayor Christina Garcia-Frasco. (File photo)
Liloan Mayor Christina Garcia-Frasco. (File photo)

HATAGAN og legal assistance ni Liloan Mayor Christina Garcia-Frasco ang ambulance driver sa ilang lungsod human gipadakop ug gipabilanggo sa opisyal sa Vicente Sotto Memorial Medical Center (VSMMC) niadtong Biyernes, Agosto 7, 2020.

Gihulagway ni Frasco nga harassment ang gihimo ngadto sa ilang driver, Rocklief Mondigo, nga usa ka frontliner sa Liloan nga naghatod og manganakay sa maong tambalanan.

Gika-engkuwentro ni Mondigo si Atty. Paul Lopez, chief administrator sa VSMMC, sa dihang gisirbatohan ni Mondigo ang tawo nga nakaali sa dalan sa dihang moparada unta ang ambulansiya aron ipakanaog ang pasyente.

Ang tawo mao si Lopez nga gikatahong nasuko ni Mondigo ug gikatahong gihapak niini ang ambulansiya.

Niresulta sa panaglalis ug matod pa gimandoan ni Lopez ang mga guwardiya sa VSMMC sa pagdakop ni Mondigo pinaagi sa citizen’s arrest.

Base sa taho sa Cebu City Police Office gipadakop ni Lopez si Mondigo tungod sa “unjust vexation” nga maoy hinungdan sa “emotional distress” nga nasinati sa abogado.

Nabilanggo si Mondigo sukad niadtong Agosto 7 hangtod na sa Agosto 10 nga way gipasaka nga kaso batok kaniya.

Si Lopez nihimakak nga adunay harassment nga nahitabo ngadto ni Mondigo, sigun sa pasangil ni Mayor Frasco. Gisaysay ni Frasco ang nahitabo ni Mondigo sa usa ka post sa Facebook niadtong Agusto 10.

Matod ni Frasco sa iyang Facebook post: “The mistreatment of our ambulance driver while in the line of duty, at the hands of a high ranking official of VSMMC, is unacceptable. It is utterly ironic that inside the hospital premises, where the preservation of life should be given first priority, the life of a pregnant woman and her unborn child was set aside, to serve first the emotions of the hospital’s Chief Administrator. I have directed our legal team to explore the actions our Local Government will take as a result of this grossly abusive exercise of authority.”

Matod ni Lopez sa pakighinabi sa Superbalita Cebu, nga niabot sa VSMMC si Mondigo nga kusog nipadagan sa ambulansiya ug kusog sab nibusina nga anaa na sulod sa tambalanan.

Pasangil ni Lopez nga hapit siya maligsi niini hinungdan nga iyang gipikpik ang likod nga bahin sa sakyanan.

Padayag ni Lopez nga migawas si Mondigo ug naningka hinungdan nga niduol ang mga guwardiya sa VSMMC.

Gipadayag usab sa abogado nga walay konprontasi nga nahitabo sanglit wala man siya makatingog ug daw nakuratan siya sa gibuhat ni Mondigo.

Nipatawag siya og pulis nga miresulta sa pagkasikop ni Mondigo gumikan sa gipakitang taras nga giingong nisukol human niya gibadlong.

Matod ni Lopez, nga wala siyay tuyo nga mapriso si Mondigo ug gani niisyu man siya og affidavit of desistance aron nga makagawas sa Police Station 2 ilabi na nga nangayo og pasaylo si Mondigo. (KFD, BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph