SUPERBALITA CEBU

Bambi Beltran gidakop sa Racu-Central Visayas sa kasong cyber libel

Tampo sa Regional Anti-Cyber Crime Unit (RACU) 7

(UPDATED) ANG Cebuana artist ug negusyante, Maria Victoria “Bambi” Beltran, gidakop sa mga sakop sa Regional Anti-Cyber Crime Unit (Racu)-Central Visayas mga alas 9:30 sa Miyerkules sa buntag, Agusto 12, 2020, sud iyang buhatan sa Kukuk’s Nest sa Gorordo Avenue, Dakbayan sa Sugbo.

Si Police Colonel Marlo Castillo, pangu sa Racu-Central Visayas, niingon nga si Beltran ilang gidakop pinasikad sa warrant of arrest sa kasong cyber libel nga giisyu ni Cebu City Regional Trial Court (RTC) Branch 11 Judge Ramon Daomillas pinetsahan og Hulyo 21, 2020.

Ang kaso dunay piyansang P10,000.

Matod ni Castillo nga ang kaso way labot sa laing kasong giatubang ni Beltran labot sa iyang post sa coronavirus disease.

Kining kaso nga siya gidakop gipasaka sa private complainant nga si April Cande Dequito kalabot sa ilang tinubagay ni Beltran sa isyu sa same sex marriage.

Niadtong Abril, nakontrobersiyal usab si Beltran tungod sa iyang post sa mga kaso sa Covid-19 sa sityo Zapatera, Barangay Luz, Dakbayan sa Sugbo.

Ang post gitangtang ni Beltran, apan nabasahan na kini ni Mayor Edgardo Labella.

Si Beltran gidakop sa kapulisan bisan way warrant of arrest niadtong Abril 19, 2020 tungod sa mao nga post nga gihulagway nga fake news.

Tungod niini, si Beltran nipasaka og kaso batok kanila ni Labella,Police Brigadier General Albert Ignatius Ferro, director sa Police Regional Office sa Police Regional Office (PRO-7) ug laing tulo ka mga pulis niadtong Hunyo 19. 2020 ngadto sa Ombudsman ug Office of the President.

Ang kaso may labot sa kalapasan sa Republic Act 7438 nga may labot sa katungod sa tawo nga gidakop ug arbitrary detention nga nalatid sa Article 24 sa Revised Penal Code. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph