BISAN sa pandemya, 34 ka mga Filipino boxers ang nasulod sa world rankings sa upat ka major world boxing sanctioning bodies nga gilangkuban sa WBA, WBC, IBF ug WBO ug wala makapugong ang pagkaylap sa Covid-19.
Ang 30 ka boksingero maoy nadugang sa mga kampyon nga Pinoy kinsa maoy naghupot sa ilang tagsatagsa ka gingharian.
Sila gibituonan nilang WBA Welterweight supertitlist Manny Pacquiao, IBF Super Flyweight champion Jerwin AncajaS, WBO Bantamweight titlist Johnriel Casimero ug IBF Minimumweight belt holder Pedro Taduran.
Adunay mga nag-una sa bantamweight division diin tulo ka mga Pinoy pinangulohan ni Nonito Donaire, Michael DasmariƱas ug Reymart Gaballo kinsa maoy nagkupot sa top contender position sa WBC, IBF ug WBA.
Apan aduna say pag-us-os sa ranking hilabi na sa super flyweight division diin si Donnie Nietes wala na niaway sukad pa niadtong tuig 2018.
Si Melvin Jerusalem maoy number one sa WBC minimu weight uban sa laing 7 ka Pinoy nga gilangkuban nilang Vic Saludar WBO # 2 and WBA #4, Rene Cuarto IBF #3, Robert Paradero WBA #5, Samuel Salva IBF 7, John Marco Rementizo WBC 7, Lito Dante IBF #8 ug Toto Landero WBC # 11.
Si Jerusalem posible nga mobalik og away batok ni Wanheng Menayothin kon mahibalik na sa normal ang panahon kansang away ipahigayon didto sa Thailand.
Si IBF champion Pedro Taduran malampuson sa pagdepensa sa iyang bakus batok sa Mehikadong si Daniel Valladares dihang wala pa gipatuman ang mga lockdown gumikan sa Covid-19.
Si kanhi world title challenger Edward Heno nagpabilin nga highest rated Pinoy contender sa light flyweight diin siya nahimutang sa ika-7 sa WBC ug gisundan ni Christian Araneta sa IBF #9 Mark Vicelles WBC #11, Toto Landero IBF#11, Jaysever Abcede WBC#14 ug si John Michael Zulueta sa WBA #14.
Walay laing Pinoy sa world rankings sa lightweight ug super lightweight divisions diin si Pacquiao nagpabilin nga kampyon sa Welterweight class sa WBA super beltholder. (PAC)